‘Interbentzioak Deustuko zubian’ proiektuaren bigarren erakusketea Pau Figueresen eskutik
2013-05-31 11:27 Kulturea
Deustuko zubiko aginte-etxolan, Interbentzioak Deustuko zubian proiektu artistikoaren bigarren erakusketea aurkeztuko da: Figueres artistearen Patriot acts Nº 1/ vis-à-vis lana.
V. Literaturia Larrabetzun maiatzaren 31tik bagilaren 2ra
2013-05-31 10:31 jardunaldiak
Literaturia jaialdia eta azokea bosgarren urtez egingo da Larrabetzun, aurten Kale gorrian lemapean. Kartela Unai Iturriagak egin dau. Urtero legez, liburuen aurkezpenak, berbaldiak, poesia errezitaldiak, antzerkia eta musika kontzertuak izango dira protagonista Bizkaiko herrian.
Gernika BHIko 4 ikasle saritu ditue Urruzuno Gehituz 2012-2013 literatura ekimenean
2013-05-29 18:25 Kulturea
Aurten 20 ikasleren lanak saritu ditue: A kategorian (gazteak, Batxilergoko 1. eta 2. mailak), prosan, bi saridun Gernika BHIko batxilergoko ikasleak dira: biak gernikarrak, Ane Miren Arejita Abaitua eta Sara Abaunza Urionabarrenetxea. B kategorian (gaztetxuak, DBHko 3. eta 4. mailak), prosan, beste bi saridun Gernika BHI DBH 4. Mailako ikasleak: Lurdes Ondaro Mallea munitibartarra eta Katalin Ibarzabal Galarza gernikarra.
Aukera barriak hizkuntza-politika eragingarria abian jarteko
2013-05-29 15:11 Euskerea berbagai
Euskerearen Gizarte Erakundeen Kontseiluak txalotu nahi izan dau Euskal Lurralde Alkargoaren aldeko Koordinadorak Lurralde Alkargoa osotzeko abian jarri dauen dinamikea. Egun euskerearen lurraldeek ez dabe berariazko instituzinorik eta horrek trabestu besterik ez dau egiten hizkuntza-politika eragingarria abian jarteko aukerea adierazo dau Kontseiluko idazkari nagusi Paul Bilbaok.
BFAk bookcrossing gune bat jarri dau Foru Liburutegian, irakurzaletasuna sustatzeko asmoz
2013-05-29 13:51 kulturbiz
Bizkaiko Foru Aldundiak bookcrossing gune bat jarri dau Foru Liburutegian, irakurzaletasuna sustatzeko helburuagaz. Bookcrossing gune ofiziala bibliotekako atartean dago eta honezkero zabalik dago.
Bilboko Berreginen Museoak Manuel Balsa 'Errusiarra' Aire Zabaleko V. Akuarela Lehiaketea egingo dau zapatuan
2013-05-29 12:02 jardunaldiak
Manuel Balsa Errusiarra Aire Zabaleko Akuarela Lehiaketea, lau hamarkada baino gehiagotan Museoko marrazketa eta pintura irakasle izan zanari eskainitako omenaldia da. Manuel Balsa 2010eko urtarrilean hil zan.
Erratzuko uriolearen mendeurrena
2013-05-28 18:18
Bagilaren 2an, Erratzu, Elizondo eta bai Baztan-Bidasoako bai Iparraldeko hainbat herri eta leku triskildu zituan uriolearen mendeurrena beteko da. Urioleak gogor jo eban inguru guztia, baina gehienbat Erratzun, Auza mendian lehertu zalako ekatx erruduna.
Oizen egingo dabe X. Deiadar Mendien Eguna, bagilaren 2an
2013-05-28 18:05
Deiadar Mendien Egunaren hamargarren edizinoa egingo dabe bagilaren 2an, Bizkaiko Batzar Nagusiek antolatuta. Batzar Nagusiak berreskuratu ziraneko 25. urteurrenean, 2004. urtean, berreskuratu zan ohiturea. Hitzordua 9:00etan izango da, Garaiko Udaletxean.
IV. Zirkualde, Zirkuko Arteen Jaialdia astegoienean Bilbon
2013-05-28 14:31 kulturbiz
Bilboko Errekalde auzoak Zirkualde zirku jaialdiaren laugarren edizinoa jasoko dau astegoien honetan auzoko plazan (Maiatzaren 31n eta bagilaren 1ean eta 2an), eta barrikuntza lez, aurten, baita bertako udaltegian be. Jaialdiak, zirkuko arteetan espezializautako bederatzi konpainiaren ikuskizunak eroango ditu auzora.
Animazinoa eta estanpazinoari buruzko ikastaroak garagarrilean, Cristobal Balenciaga Museoan
2013-05-28 13:56 jardunaldiak
Getariako Cristobal Balenciaga Museoak ikastaro bi eskainiko ditu garagarrilean, bata animazinoari buruz, eta bestea, ehunaren estanpazino digitalaren ganean. Izena emoteko epea zabalik dago bagilaren 16ra arte.
Bilbok Bizkaiko publizidade agentzien sormen kanpainen erakusketa bategaz egingo deutso harrerea El Sol jaialdiari
2013-05-28 11:18
Bizkaiko Publizidade Agentzien Alkarteak, Bilboko Udalagaz lankidetzan, sektoreko 14 enpresa bizkaitarrek egindako lan onenen erakusketa publiko bat antolatu dau Zabalgune eraikinean, bart, astelehenean hasi eta datorren bagilaren 4ra arte. Portfolio izenburuko erakusketan, publizidade lan erakargarriak eta harrigarriak batu dira, Bizkaiko profesionalen lana islatzeko helburuagaz.
300 ume eta gaztetxu batuko dira aurtengo Bertso-udalekuetan
2013-05-28 11:10 Bertsolaritzea
Aurten 300 umek hartuko dabe Bertso-udalekuetan, garagarrila eta abuztuan. Zuhatza, Arrazola, Irañeta, Orio, Bidarrai, Lekeitio eta Barrian egingo dira udalekuok. Bilbon, ganera, bertso-udaleku edegia prestau dau Zenbat Gara alkarteak.
Bizkaiko Trikitixa Eguna Plentzian
2013-05-27 18:30 Musikea
Bizkaiko Trikitixa Alkarteak antolatuta Bizkaiko Trikitixa Eguna 2013 bagilaren 1ean izango da Plentzian. Bazkarian izena emoteko 18 euro sartu behar dira Bizkaiko Trikitixa Alkarteko kontu korrontean izen-abizenak adierazoz: 2095 0022 00 9105970729. Bazkarirako izena emoteko azken eguna maiatzaren 28a izango da.
300 berbalagun batuko dira zapatuan Egoibarren, 8. Mintza Egunean
2013-05-27 15:45 Euskerea berbagai
Elgoibarko Izarra kultur alkarteak eta Euskaltzaleen Topaguneak egun osoko egitaraua prestau dau bagilaren 1ean, mintzalagun, berbalagun eta mintzakide guztien jaia dan Mintza Egunean. Euskal Herri osoko 300 bat berbalagun batuko dira.
Rudolf Trebitsch antropologoak egin zituan euskereari buruzko ikerketak berbagai Berlinen eta Leipzigen
2013-05-27 14:44 Euskaldunak munduan
Trebitschek Euskal Herrira egindako bidaiaren mendeurrena ospatzen danean, 1913an antropologo vienarrak Euskal Herrian jaso zituan kanta eta grabaketa dialektalak entzuteko aukerea izango da bi berbaldietan, tartean Iparragirreren Gernikako Arbola kantuaren lehen grabazinotzat joten dana.
'Hablan los artistas' ehun euskal artistaren alkarrizketa liburua argitaratu dabe
2013-05-27 13:28 kulturbiz
Hablan los artistas ehun euskal artista garaikideri egindako alkarrizketen bildumea argitaratu dau José Luis Merinok. Alkarrizketatuen artean dagoz, besteak beste, Txomin Badiola, Itziar Barrio, Luis Candaudap, Eduardo Chillida, Esther Ferrer, Jesús Mari Lazkano, Remigio Mendiburu, Andrés Nagel eta Jorge Oteiza.
Abdellatif Kechicheren 'La Vie d'Adele' pelikulea nagusi Cannesko Zinemaldian
2013-05-27 11:28 Barriak
La Vie d'Adele Abdellatif Kechiche zinemagile tunisiarrak zuzendutako pelikula frantsesak irabazi dau Cannesko Zinemaldiaren 66. edizinoko Urrezko Palmea. Emakumezko aktore onena Bérénice Bejo izan da, Le Passé pelikulean egindako lanagaitik, eta gizonezko onena, Bruce Dern.
Euskerea eta mitologia aztergai, Euskerearen Jatorriaren 8. Biltzarrean
2013-05-24 15:48 Euskerea berbagai
Mitologia: jatorria irakurtzeko zientzia izenburupean egingo dabe Euskerearen Jatorriaren 8. Biltzarra, zapatuan, maiatzak 25, Lazkaoko Maizpide euskaltegian. Mitologia eta hizkuntzea landu dituen hainbat adituk hartuko dabe parte jardunaldian, besteak beste, Roslyn M. Frankek, Juan Inazio Hartsuagak eta Felix Zubiagak.
San Antonio jaietarako piropo bila dabilz Igorren
2013-05-24 14:41 kulturbiz
Igorreko Jaietarako euskeraz idatzitako piroporik originalenaren bila dabilz aurten be San Antonioetako Jai Batzordeak eta Igorren Euskerea Zuzterrerik taldea. Piropo saridunagaz Igorreko jaietarako pegatinea atarako dabe. Parte hartzeko epea maiatzaren 27an amaituko da, astelehenean.
Friki kuadrillea.
Erantzuna | Euskerea eta mitologia aztergai, Euskerearen Jatorriaren 8. Biltzarrean