Gaur estreinauko dabe Koldo Almandozen lehen film luzea: 'Sipo Phantasma'
2016-02-02 11:38 Barriak
Amandozen lehenengo lana, Razielen itzulera, New Yorken zinema ikasten egoala egindakoa, 1998an Donostiako Zinemaldiko Zabaltegi sailean aurkeztu baeban, lehenengo lan luze hau batez be joera barriei erreparetan deutsen Holandako zinemaldi entzutetsuko Deep Focus sail ofizialean aurkeztuko dau, martitzen honetan, hilaren 2an. Euskal Herrian martira arte itxaron beharko da.
Bilboko Txistulari Bandeak eta Nafarroako konserbatorioko kideek 'Musikearen koloreak' dakarrez Euskaldunara
2016-02-02 11:03 Musikea
Zezeilaren 3an, eguaztena, izango da saioa, Bilboko Euskalduna Jauregian. Txistuagaz joteko piezak dira Musikearen koloreak emonaldiaren oinarria, pianoak, marimbak, kontrabaxuak eta abarrek lagunduta. Estilo ugaritako errepertorioa preparau dabe. Bilboko Udal Txistulari Bandeak, oraingoan, Nafarroako Konserbatorioko hamar musikari izango ditu alboan.
Badator VIII. Artistak Egoitzan, Bilboko Udaleko Kultura Sailaren programea
2016-02-02 09:55 Kulturea
Deialdira aurkeztu nahi daben konpainiek edo artistek 2016ko martiaren 6ra arte aurkeztu ahal izango ditue euren sorkuntza proposamenak. Parte hartu ahal izateko beharrezkoa izango da www.bilbao.eus webgunean topau daitekeen deialdiaren eskari orri ofiziala betetea. Ez da onartuko posta elektronikoz, ohiko postaz edo bertara hurreratuz aurkezten dan proposamenik
Italiako zinemagintza garaikidea Bilbora helduko da Zinecitta zikloari esker
2016-02-01 17:09 Zinemea
Zezeilaren 2tik 4ra egingo dabe Bilboko BBK Aretoan Zinecitta zikloa. Egunero film bat proiektauko da, bakotxa genero batekoa. Holan, gaur eguneko Italiako zinemea zertan dan erakutsi nahi dabe. Euskaditalia kultur espazioak antolatu dau ekimena, Bilboko Udalaren, BBKren, Zinebiren eta Erromako Istituto Luce erakundearen laguntzinoagaz.
Idatziz euskerea bermatuko dabe hamar saltoki handik
2016-02-01 16:53 Euskerea berbagai
Lankidetza hitzarmena sinatu daben erakundeak ondokoak dira: Carrefour Norte S.L., El Corte Inglés S.A., Eroski SKoop, Fnac S.A., Inditex S.A., Forum Sport, Media Markt S.A., Mercadona S.A., Supermercados Sabeco S.A. (Simply) eta Uvesco S.A..
Bardoak gogoz eta bertsozale ugari bigarren astegoienean
2016-02-01 14:37 Bertsolaritzea
Datorren astegoienean Bardoak ekimenaren lehen faseko azken saioak jokatuko dira; beste bost saio izango dira barikutik domekara bitartean, Mezkiritz, Alli, Otsagabia, Etxarri-Aranatz eta Iruñean.
Smithsonian Folklife Festivalen Euskadi izango da konbidautako kulturea
2016-02-01 13:00 Euskaldunak munduan
Bagilaren 29tik garagarrilaren 4ra eta garagarrilaren 7tik 10era egingo da Smithsonian jaialdia. 10 egun horreetan Euskadi AEBetako erakusleihorik handienean egongo da eta bere kulturea, gastronomia, barrikuntzea, eskulangintzea eta historia urtero ekitaldia bisitetan daben ehunka mila personei erakusteko aukerea izango da, baita ekitaldia online jarraitzen daben 40 miloe personei erakusteko be.
'Arakaldo Sustraiak Aurkitzen' egitasmoa aurkeztu dabe
2016-02-01 11:19 kulturbiz
Arakaldoko Udalak, Arakaldoko historia, kultura eta natura ondarea ezagutarazoteko asmoz zein naturan kirola egitea, ibiltea eta ohitura osasungarriak sustatzeko asmoz ekin deutso Arakaldo Sustraiak Aurkitzen egitasmoari.
Koplak eta umorea Kuadrillartekoaren bigarren topaketan Laudion
2016-02-01 09:53 Bertsolaritzea
Txandriotarrak (Arabar errioxa), Aizkorak Zorroztu taldekoak (Gasteiz), Errexalakoak (Gasteiz) eta Aiaraldekoak ibili ziran alkarri zirika Arabako Bertso Kuadrillartekoaren barruan Aiaraldeko topaketan.
Arantza Iturbe, Mikel Fernandino eta Imanol Ituiño nagusi Cafe Bar Bilbao Antzerki Laburreko XIII. Gidoi Lehiaketan
2016-02-01 09:28 Kulturea
Arantxa Iturbe, euskerazko atalean, eta Mikel Fernandino eta Imanol Ituiño (ex aequo), gaztelaniazkoan, izan dira irabazle XIII Café Bar Bilbao Teatro Gidoi Lehiaketan. Sarion helburua gidoigintza eta formatu txikiko antzerkia bultzatzea da eta Plaza Barriko Café Bar Bilbao taberneak antolatzen ditu, Tartean Teatroa antzerki- konpainiaren laguntzinoagaz.
Sabino Arana sariak emon ditue Bilbon
2016-02-01 09:25 Kulturea
Sabino Arana Fundazinoaren sariak emoteko ekitaldia ospatu dabe Bilboko Arriaga antzokian. Sei saritu egon dira: John Garamendi, Leopoldo Zugaza, CEAR-Euskadi, Velatia, Maialen Chourraut eta Alex Salmond. Sarituek gizarteari erakusten deutseezan baloreak azpimarratu ditu Juan Mari Atutxa fundazinoko presidenteak.
Igaz hildako euskaltzainak omendu ditu Euskaltzaindiak
2016-01-29 14:06 Euskerea berbagai
Donostian, Gipuzkoako Foru Aldundiaren egoitzan egindako ekitaldi baten egin deutse omenaldia Euskaltzaindiak igaz hildako sei euskaltzainei. Bakotxaren hilbarri-txostena be irakurri dabe. Juan Garmendia Larrañaga, Joshua Fishman, Emile Larre, Joseph Camino, Suzuko Tamura eta Jan Braun izan dira omenduak.
Karim Ainouz zuzendari brasildarra izango da Zinegoak jaialdiko epaimahaiko burua
2016-01-29 13:03 Barriak
LGTB gaietako Bilboko zinemaldiak, Zinegoak-ek, aurtengo edizinoko epaimahaian nortzuk egongo diran aurreratu dau: Karim Ainouz zinema-zuzendari brasildarra izango da burua eta, beragaz batera, Tatiana Lo Iacono eta Maialen Beloki egongo dira. Ganera, aurten lehenengoz, epaimahai gaztea egongo da, 20 lagunek osotua.
'Emakumeak eszenan' programearen hamargarren edizinoa 'Las Lysistratas' obreagaz hasiko da
2016-01-29 11:22 Kulturea
Antzerkigintza amateurrean dabilzan emakumeen lana ezagutzera emoteko antolatzen dabe urtero Emakumeak eszenan zikloa eta aurten hamargarren edizinoa beteko dau. Lehenengo saioa domekan, urtarrilak 31, izango da, Bilboko Campos antzokian. Aristofanes greziarraren idazkietan oinarritutako Las Lysistratas antzezlana ikusi ahal izango da, Raul Cancelok zuzendua eta hamabi emakumek antzeztua.
'Zapalduaren Antzerkia: kulturak eta feminismoak' topaketea Bilbon
2016-01-29 10:32 jardunaldiak
Urtarrilaren 29an eta 30ean Bilboko Otxarkoagako Udaltegian Zapalduaren Antzerkiari buruzko Elkarrizketa Biribil KreAktiboa eta Laborategia izango dira. Zapalduaren Antzerkia Augusto Boalek sortutako metodo eta mobimentua da, ikuslea bere errealidadearen eraldakuntzearen aktore bilakatzea helburu dauena. Saio honeetan nazinoarteko konbidadu bi izango dira: Austriako Birgit Fritz eta Turkiako Jale Karabekir dramaturgoak.
XV. Dantza Plazetan programea zapatuan hasiko da
2016-01-29 09:56 Kulturea
Bilboko Udalak Dantza Plazetan programearen hamabosgarren edizinoa abian jarri dau. Gure urian tradizinorik handiena daben kultur programetakoa da, euskal folklore herrikoia sustatzeko helburua dauena, herrietako plazetan egiten ziran erromeriak, jantza erakustaldiak eta kalejirak eskainiz.
Euskerea bizibarritzeko jardunaldia zuzenean jarraitu daiteke orain, streaming bidez
2016-01-29 09:21 Euskerea berbagai
Gaur egiten dabil mintegia Euskaltzaindia Bilbon, Euskerea bizibarritzen jarraitzeko erronkak izenburupean. Erakunde eta adituen ekarpenei esker, egitarau oparoa preparau dabe, euskerearen normalizazinoak hartu beharreko norabideaz eztabaidea egiteko. Eguerdiko 14:00ak arte izango da jardunaldia. Zuzenean ikusi.
Bilboko agenda kulturala aurkeztu dau Udalak
2016-01-28 17:27 Kulturea
Kultureak edertu egiten zaitu lelopean, 2016an Bilbon egongo diran kultura arloko hitzorduen barri zehatza emoten dau gideak, bilbotarrek eta bisitariek eskaintzearen barri euki daien. Udalak dinoanez, askotariko proposamenak sartu ditue, bakotxak bere neurriko astialdiaz eta kulturaz disfrutau ahal izan daian.
Jesus Lizaso artista bizkaitarraren 27 eskultura ipini ditue Bilboko Rekalde aretoan
2016-01-28 16:27 Kulturea
Reflexion izeneko erakusketea maiatzaren 1era arte egongo da BizkaiKOA sarearen barruko Rekalde aretoan. Jesus Lizaso artista barakaldarraren 27 eskulturaren bidez, haren obreak euki dauen garapena ezagutu ahal izango da. Dana dala, artelanak ez dagoz ordena kronologikoan, Lizasok berak piezen artean ikusten dituan loturak dira ardatza.
'Joxemiel Bidador' pastorala beste hiru aldiz antzeztuko dabe martian eta apirilean
2016-01-28 10:48 Kulturea
2015eko urrian Iruñean aurkeztu zan Joxemiel Bidador euskaltzale eta ikerlariaren inguruko pastorala eta, martian eta apirilean, beste hiru aldiz antzeztuko dabe. Barañainen, Gotainen eta Bilbon izango dira horreek hiru emonaldiak. Zuberoako pastoralen tradizinoan oinarrituta, Nafarroan sortutako lana da Joxemiel Bidador-Iruñeko euskaldunak eta arrakasta handiz estreinau zan.
Parkatu Ramon, zuzenketak egin doguz.
»» XXXI. dFERIA Arte Eszenikoen Azokea ...