V. Kultur Maratila Leioan, euskal sorkuntzearen plazea zezeilaren 25etik 28ra
2016-02-19 14:28 kulturbiz
Aurtengo hitzorduak dira: Zerura eroria Anodino Teatroaren estreinaldia, Malmö, Khea Ziaterren film eszenikoa, Gau beranduan, Harkaitz Cano, Petti eta Joxan Goikoetxearen eskutik literatura emonaldia, Dantza gurea, Idurre Azkueren jantza garaikidea Joseba Irazokiren zuzeneko musikeak lagunduta, Joseba B. Lenoirren kontzertua eta Heroiak, Txalo konpainiaren antzerkia.
Arriaga Antzokiak eta OLBE-ABAOk lankidetza hitzarmena barriztau dabe, umeen artean operea zabaltzen jarraitzeko
2016-02-19 12:07 Musikea
Arriaga Antzokiak umeei zuzendutako opera ikuskizunak jasoten jarraituko dau datozen lau denporaldietan, ABAO Txiki Arriagan izeneko zikloaren barruan, Arriaga Antzokiak eta Operaren Lagunen Bilboko Alkarteak OLBE-ABAOk horretarako sinatuta eben akordioa barriztau baita.
Gaur jarriko dabe martxan Mungiako Asau Barik! gazte ginkanea
2016-02-19 10:19 Euskerea berbagai
Mungiako Gazteguneak gidatutako ekimen barri honek herriko euskerea eta ingurua ezagutzea sustatzen dau dinamika ludiko eta parte-hartzaile baten bidez. Bestetik, Bizkaiko Foru Aldundiaren eta Eusko Jaurlaritzearen babesa dauen proiektu honek euskerazko teknologia barriak ezagutzea ahalbidetzen dau, horreen erabilerea modu praktiko baten bultzatuz.
Iheskide musika taldeak amaitutzat jo dau bere ibilbidea
2016-02-19 09:57 Musikea
Sare sozialen bidez Iheskideko taldekideek azaldu dabenez, eguneroko konpromiso eta zailtasunek ez deutsie aurrera egiten itxi. 2004tik egon da martxan Elorrioko taldea, hasieran Ihesbide izenagaz eta, ondoren, Iheskide legez. 2006an kaleratu eben lehenengo maketea eta, harrezkero, beste lau disko atara ditue.
Nerea Arrien lekeitiarrak irabazi dau XXXIV. Lizardi Saria
2016-02-19 09:40 Kulturea
Nerea Arrien Elordi (Lekeitio, 1976) irabazi dau aurten Zarauzko Udalak antolatutako Lizardi Saria. Hamalau lan aurkeztu dira aurten, eta Nerearena nabarmendu dau Yolanda Arrietak, Alexander Gurrutxagak eta Miren Agur Meabek osotutako epaimahaiak. Bigarren urtez jarraian, beraz, bizkaitar batek eskuratu dau Lizardi Saria: igaz Alaine Agirre bermeotarrak irabazi eban Hau ez da zoo bat! lanagaz.
Nik West, The Inspector Cluzo, Capsula, Mamba Beat eta Mocker's Mundakan aurten
2016-02-18 17:39 Musikea
Garagarrilaren 28, 29 eta 30a gero eta hurrago dagozanez, egun danatarako abonoa 55 euroan erosi zeinke oraindino; laster 60 euroan egongo da salgai. Sarrerak Mundaka festibal webgunean, Kutxabanken webgune eta kutxazainetan, Ticketmaster, Fnac, Halcón Bidaiak eta Viajes Amaiaren bulego guztietan dozuez eskuragarri.
Errefuxiatuen egoera gordina erakusten dauen argazki bati emon deutsie World Press Photo saria
2016-02-18 16:26 sariak-autortzak
Warren Richardson argazkilari australiarrak Serbia eta Hungaria bereizten dituan hesian ateratako irudiak irabazi dau 2015eko World Press Photo argazkilaritza sari entzutetsua. Bizimodu barria itxaropen zuri-baltzezko argazkiak modu gordinean erakusten dau Europara igesean datozan errefuxiatuen eguneroko latza. Ganerako kategorietan, Daniel Garcia de Olza nafarrak sari bi eskuratu ditu, Jentea ataleko bigarrena eta hirugarrena hain zuzen.
Azkuna Zentroak IX. Gutun Zuria-Letren Nazinoarteko Jaialdia hartuko dau apirilaren 19tik 24ra
2016-02-18 14:42 Kulturea
Azkuna Zentroak Gutun Zuria-Bilboko Letren Nazinoarteko Jaialdiaren bederatzigarren edizinoa hartuko dau apirilaren 19tik 24ra. Jaialdi hau hitzordu garrantzitsua da literatura zaleentzat gaur egungo literaturako idazle ezagunenak hurretik ezagutzeko aukerea emoten deutselako.
LGTBI alkarteek dokumentazino-zentro birtual bateratua sortu dabe
2016-02-18 14:11
Eusko Jaurlaritzearen Berdindu zerbitzuagaz batera sortu dabe sareko dokumentazino-zentroa Aldarte, EHGAM, Errespetuz, Gehitu eta Guztiok alkarteek. Lesbiana, gay, transexual, intersexual eta bisexualei lotutako agiri, argazki, audio eta antzekoak batzen dira artxibo berezi horretan, gizarte guztiak eskura euki daiazan.
Donostia 2016k eta UPV/EHUk 'Tirabirak / Tiras que aflojan' erakusketea aurkeztu dabe gaur
2016-02-18 13:59 Kulturea
Gaur Bilboko Bizkaia Aretoan Tirabirak / Tiras que aflojan egitasmoa aurkeztu dabe, gure iragan gatazkatsua jorratu daben bineten ganeko erakusketea. Martiaren 8ra arte Bilbon egon ondoren, Donostia, Baiona, Iruñea eta Gasteizko hainbat tokitan egongo da ikusgai.
Fran Lasuen, Francisco de Borja eta Gorakada zein Markeliñe antzerki taldeak, XIX. Max Sarien hautagaien artean
2016-02-18 11:23 Kulturea
Arte Eszenikoen XIX. Max Sarien Antolakuntza Batzordeak aditzera emon dau lehian diran 22 kategoriei eutsiko deutseen hautagaien zerrendea. Helburua, emonaldi guztietan lez, antzerki zein jantzearen munduko profesionalen doe eta birtuteak sustatzea eta saritzea da, eta, bide batez, denporaldiko ikuskizunei be bultzada bat emotea.
'Kevin McClouden Grand Tour' dokumental-berbaldi zikloa Bilboko Berreginen Museoan
2016-02-18 10:06 Kulturea
Dokumentalaren lau atal aurkeztuko dira. Lehenengoa, Frantzia eta Italiako iparraldea gaur bertan, hilak 18, ikusi ahal izango da, 18:00retatik aurrera. McCloudek bere heroietako baten pausuei jarraituko deutse: Iñigo Jones arkitektoaren pausuei. Martiaren 17an, Florentzia eta Erroma izango da atala. Apirilaren 14an, Erroma, Napoli eta Ponpeia izango dira protagonista eta maiatzaren 12an, barriz, Greziaren txandea izango da.
Ahozko adierazpen artistikoak Bilboko 2. barrutian, 'Istorio Biziak' programearen eskutik
2016-02-18 09:47 Kulturea
Bilboko Udalaren Kultura Sailak antolatuta, ahozko kontaketan oinarritutako adierazpide ugari entzun ahal izango ditue Bilboko 2. barrutiko auzotarrek eta hara hurreratzen diranek. Zezeilaren 22tik martiaren 6ra bitartean, egitarau bete-betea dakar Istorio Biziak programeak: Ipuin-kontalariak, antzerkia, bertsoak, hip-hopa, ikus-entzunezko saioak eta abar. Umeek zein helduek disfrutetako moduko egitaraua atondu dabe.
Lauro ikastoleak 50 urte beteko ditu aurten
2016-02-17 17:30 Kulturea
Aurten beteko da Lauro ikastolea legeztatu zaneko 50. urteurrena. Orduan Resurreccion Maria Azkue eban izena eta bi hizkuntzatan, euskeraz eta gaztelaniaz, eskolak emoteko legeztatutako lehenengo ikastolea izan zan. Euskaltzaindiaren babesagaz lortu eban.
Busturialdea nagusitu da Bertsolari Gazteen BBK Txapelketako lehenengo saioan
2016-02-17 14:32 Bertsolaritzea
Gaur goizean hasi da, Igorreko Kultur Etxean, Bizkaiko Bertsolari Gazteen BBK Txapelketako 24. edizinoa, Arratiaren eta Busturialdearen arteko kanporaketeagaz. Busturialdekoek lortu dabe puntuazinorik onena (438,5 puntu, arratiarren 336en aldean) eta, hortaz, finalaurrekoan izango dira.
Igorren eta Antzuolan Bilbao Mendi Film Festivaleko ale onenak ikusteko aukerea
2016-02-17 11:58
Igaz be Igorren egin eban geldialdia Mendi Tourrak, eta orduko arrakasteari jarraipena emonaz aurtengorako pelikula kopurua zortzira handitu da. Ganzabal Mendi Taldeak eta Igorreko Kultur Etxeak babestuta, eta Zineuskadi eta Poloniako Kultura Institutuaren laguntzinoagaz, egingo dira saioak (Hilaren 19an eta 26an) Kultur Etxeko Lasarte Aretoan, 20:00etan hasita. Sarrerea doban izango da.
Nanga Parbateko Hirugarren Kanpalekura heltzen ahaleginduko dira gaur Txikon, Sadpara, Lunger eta Moro
2016-02-17 09:24
Eguraldi oneko tarteak eskasak eta laburrak dira azkenaldion Nanga Parbaten, baina Alex Txikonek eta bere taldekideek Bigarren Kanpalekura heltzea lortu dabe. Han pasau dabe gaua eta gaur, baldintzak egokiak badira, Hirugarren Kanpalekura igoteko ahalegina egingo dau laukoteak. Nekea be kontra daukie, orain arteko bidea zabaltzeko lan handia egin behar izan dabe eta.
Blond:Ish kanadarrak protagonista zezeilaren 19ko Art After Dark saioan
2016-02-16 17:21 Musikea
Art After Dark ekimeneko aste honetako protagonistak Blond:Ish, Aníbal Gómez eta Madelman dira. Era berean, Making Africa – Gaur egungo diseinuaren kontinentea erakusketaz, Ho Tzu Nyenen Ezagutzen ez danaren hodeia bideoinstalazinoaz eta Bilboko Guggenheimeko Bildumako maisulanak erakusketaz gozetako aukerea be izango dabe hurreratzen diranek.
Konpositore erromantikoek hartuko dabe Bilbo, Musika-Musica zikloan
2016-02-16 16:53 Musikea
Erromantikoentzako zubia izenburupean, Schubert, Mendelsohn, Wagner eta Richard Strauss konpositoreak izango dira protagonista. Kontzertu nagusiak martiaren 4, 5 eta 6an izango dira Bilboko Euskalduna jauregian. Ganera, uriko auzoetan emonaldiak egongo dira eta berbaldi ziklo bat be antolatu dabe. Guztira, 75 kontzertutan, 700 musikari profesional baino gehiago batuko ditu Bilboko Udalak eta Bilbao 700 Fundazinoak bultzatutako jaialdiak.
Bilboko Udalak XVII. Miguel de Unamuno Saiakera Lehiaketearen deialdia egin dau
2016-02-16 14:23 Kulturea
Bilboko Udaleko Kultura Sailak XVII. Miguel de Unamuno Saiakera Lehiaketarako deia zabaldu dau. Lehiaketea urtero antolatzen da 1999tik, Bizkaiko uriburuan jaiotako idazle eta filosofoaren oroimenez. Lehiaketa honek 6.000 euroko diru-sari bana emoten dau bi modalidadeetan (gaztelaniaz eta euskeraz).
Parkatu Ramon, zuzenketak egin doguz.
»» XXXI. dFERIA Arte Eszenikoen Azokea ...