EHUk Koldo Mitxelena omentzeko jardunaldiak antolatu ditu
2015-12-01 14:07 Euskerea berbagai
Bilbon eta Gasteizen izango dira jardunaldiak, abenduaren 2, 3 eta 4an, Koldo Mitxelena hizkuntzalari eta euskaltzainari gorazarre egiteko asmoz. Haren ikasle izandako batzuek parte hartuko dabe berbaldi eta aurkezpenez betetako egitarauan. Ganera, Mitxelenari eskainitako webgunea aurkeztuko dau EHUk.
Euskaltzaindiak eta Eusko Legebiltzarrak batera ospatuko dabe Euskerearen Eguna
2015-12-01 13:07 Euskerea berbagai
Euskara... Plazan! izenburuko ekitaldia abenduaren 3an egingo dabe Gasteizen, Eusko Legebiltzarraren egoitzan. Parlamentuak eta Euskaltzaindiak alkarregaz antolatu dabe saio berezi hori. Linguae Vasconum Primitiae euskerazko lehenengo liburuaren itzulpenak aurkeztu eta Koldo Mitxelena hizkuntzalaria omenduko dabe bertan.
Euskereak 365 egun
2015-12-01 12:03 Euskerea berbagai
Aurtengo ekimenaren leloa ErabiZi da. Euskeraz biziteko hautua egiteko deia egin nahi da kanpainearen bidez eta horretarako, bakotxak bere errealidadetik eta egoeratik asko egin leikela azpimarratu nahi dau Topaguneak. Egunerokoan hartzen diran erabagi eta hautuetatik euskerea erabilteko eta euskeraz biziteko espazioak sortzearen alde egin nahi da holan.
Itxurea aldatuta, kalera urten nahi dau Hegats aldizkariak
2015-12-01 10:20 Kulturea
Euskal Idazleen Alkarteak argitaratzen dau Hegats. Goitik behera barritu dabe diseinua eta estiloa, aldizkariaren aro barri bati ekiteko asmoz. Orain arte idazleentzat izan bada batez be, aurrerantzean publiko zabalagaz kontaktu handiagoa euki nahi dabe, hau da, Hegats kalera atara. Sasoi barriko lehenengo zenbakia argitaratu dabe dagoeneko.
XIX. Cortada Film Laburren Lehiaketea gaur hasi eta hilaren 5era bitartean Gasteizen
2015-12-01 09:47 Zinemea
Aurten, barrikuntza moduan, egun bat euskal film laburrei eskainiko jake UPV/EHUko euskerearen aldeko Ehuskarabanda jaiagaz bat etorrita. Egun hori abenduaren 3a izango da eta gure herriko film laburrak ikusteaz gan euskerearen erabilerea sustatzeko bideo-maratoi tradizionala egingo da.
Etxepare Institutuak euskerearen inguruko ekitaldiak egingo ditu munduko zazpi uritan
2015-12-01 09:27 Euskerea berbagai
Euskerearen Nazinoarteko Eguna dala eta, mundu zabalean eitaldi ugari antolatu ditu Etxepare Institutuak egunotan. Tartean, kontzertuak, tailerrak eta lehiaketak egongo dira, euskerea eta euskal kulturea erdigunean dirala. Mosku, Birmingham, Szeged, Poznan, Guadalajara, Mexiko Uria eta Montevideo aukeratu ditue kultur programok zabaltzeko.
EH11kolorek konbita egin dau Euskal Herrian laikotasunaren eta erlijino aniztasunaren inguruan eztabaidatzeko
2015-11-30 17:45 Kulturea
EH11kolorek eztabaidarako zirriborro bat aurkeztu dau Erlijino aniztasuna eta laikotasuna eta erlijino komunidadeei baita laikotasunaren eta erlijino aniztasunaren arloan lanean dabizan alkarteei helarazoko jake, eztabaidatzeko eta adostasunak bilatzeko asmoagaz. Ekimen hau Euskal Herria anitzarentzako adostasunak dinamikearen barruan dago.
Jente ugari erakarri dau Begira Photo jaialdiak aurten
2015-11-30 14:10 kulturbiz
Zemendiaren 10etik 29ra bitartean egin da Begira Photo argazkigintza-jaialdiaren bostgarren ekitaldia Durangon. Kinua taldeko antolatzaileen esanetan, publikoaren aldetik arrakastatsua izan da aurtengo edizinoa eta datorren urtekoa preparetan hasteko gogotsu dagoz. Ia 18.000 lagunek ikusi ditue Begira Photoko erakusketak eta 250 baino gehiagok parte hartu dabe berbaldietan.
Begiz Begi Baionako taldeak irabazi dau VII. Banden Lehia
2015-11-30 10:57 Musikea
Azkue Fundazinoak antolatutako Banden Lehiako 7. edizinoa Baionako Begiz Begi taldeak irabazi dau pasa dan barikuan Bilboko Bilborock aretoan izandako finalean. Disko bat grabau, eta BBK Live eta Euskal Herria Sona jaialdietan parte-hartzea jaso dau saritzat.
Aitor Oñederra, Yago Mateo eta Irati Cano nagusi 38. Euskal Zine Bileran
2015-11-30 10:09 Barriak
Aitor Oñederraren I said I would never talk about politics filmak eroan dau profesional mailako Film Onenaren Saria, 1.900 euro eta urrezko antzarra eta amateur mailan, barriz, Yago Mateo Velascoren Fishura filmarentzat izan da Film Onenaren Saria, 1.300 euro eta urrezko antzarra. Epaimahai lanetan ibili dira Aitor Merino, Gotzon Sanchez, Oihana Garro, Iban Gonzalez eta Izaskun Alvarez.
Tolosako saioa irabazita Unai Agirrek finalean kantetako txartela eskuratu dau
2015-11-30 09:28 Bertsolaritzea
Gipuzkoako Bertsolari Txapelketako bigarren finalaurrekoa jokatu da bart arratsaldean Tolosan. Unai Agirre hernaniarrak irabazi dau saioa eta horrenbestez zuzenean sailkatu da abenduaren 19ko finalera. Beñat Gaztelumendi eta Iñaki Apalategi sailkatu dira bigarren eta hirugarren, hurranez hurran. 1.600 bertsozale inguru izan ziran Usabal kiroldegian.
Kike Amonarrizek jasoko dau Anton Abbadia saria
2015-11-27 14:38 Kulturea
Arantxa Urretabizkaia, Jone Miren Hernandez, Iban Arantzabal, Maite Artola eta Arantxa Diez de Ilarraza izan dira aurtengo epaimahaikide. Batetik, soziolinguista arloan egindako lanen eta idatzitako artikuluen sendotasunagaitik; eta, bestetik, autortzeko telebistan euskerea modu gozagarrian eta interesgarrian erakutsi daben saioakaz izan dauen arrakasteagaitik, erabagi dau saria tolosarrari emotea epaimahaiak.
Euskaltzaindiaren artxibo-funtsen katalogoa interneten ipini dabe
2015-11-27 14:07 Euskerea berbagai
Katalogo horretan, hiru eratako funtsak batzen dira: Euskaltzaindiaren beraren artxiboa, euskaltzainen funts pribaduak eta ikus-entzunezko artxiboa. Azkue Biblioteka arduratzen da horreek gordeteaz baina, aurrerantzean, sarean be egongo da katalogoa, herritar guztiek eskura euki daien.
Katrina urakanak eragindako suntsiketearen 10. urteurrena gogoratuko dau Euskadiko Filmategiak
2015-11-27 13:56 Barriak
Katrina, hamar urte ondoren zikloa laburra baina trinkoa da. Ganera, gure arteko baten begiradeagaz New Orleansera hurreratzeko aukerea izango dogu: Fermin Muguruzagaz, hain zuzen be. Zikloan estreinauko dituan Nola? dokumentala eta diskoa, bertako kultura musikal handiari omenaldia da, 2005eko suntsiketeari bistarik kendu barik.
Mikel Urdangarinen gitarrea, ahotsa eta berbak dira 'MMXV' diskoaren zutabeak
2015-11-27 13:11 Musikea
Zezeiletik emoten dabilen kontzertuak grabau eta hortik 13 kanta aukeratu ditu Mikel Urdangarinek XXMV diskorako (Elkar). Sekula baino biluziago agiri da Urdangarin lan honetan, bandako musikarien laguntzino barik emondako kontzertuak diralako. Halandabe, publikoak sekula baino gehiago babestu dauela azpimarratu dau zornotzarrak. Beti-betiko 13 kanta eta biran sortutako beste bi batu ditu XXMV-n.
Scubaren musika elektroniko inkonformistea 2015eko Art After Dark azken saioan Guggenheim Bilbao Museoan
2015-11-27 12:42 Musikea
Abenduaren 11n, Guggenheim Bilbao Museoko Atrioan 2015eko azken Art After Dark saioa egingo da, eta Scubak bass-heavy musika elektronikoa eskainiko deusku. Aurretik, barriz, DJV Soundegaz hasiko da ekitaldia, Bilboko underground eszena elektronikoaren aitzindaria, 1990eko hamarkadan NoData kolektiboa sortu eban eta 2005etik Fever klubeko dj lanetan dabil.
Euskaltzaindiak bere egin dau Ipar Euskal Herriko euskerazko irakasleen ardurea
2015-11-27 11:24 Euskerea berbagai
Euskerearen egoerea jagotea, euskal hiztunen hizkuntza-eskubideak jagotea dau helburu Euskaltzaindiak. Horregaitik, Euskaltzaindia ezin da egon isilik erreforma horrek ekarri leikezan ondorio larrien aurrean, kolegioan euskereari erreformeak emon nahi deutson lekua mugatua izango baita.
Bilboko Itsas Museoak itsasadarraren ganeko 1.001 marrazki batzeko erronkea bota deutse 4 eta 12 urteko umeei
2015-11-27 10:14 Kulturea
Itsasadarraren magia – 35 urte bizia sortuz aldi baterako erakusketearen amaierearen harian, Bilboko Itsas Museoak erronkea bota deutse 4 eta 12 urte arteko umeei. Horreek itsasadarren ganeko mila marrazki batu behar ditue, etorkizunean zelakoa izatea nahiko leukien adierazo deien. Itsasadarraren 1.001 amesak izenburupean, ekimenak teknika librean egindako mila marrazki jaso nahi ditu erakusketa horri amaierea emoteko.
Xabier Montoiak 'Hondamendia' narrazino liburua plazaratu dau
2015-11-26 17:14 Kulturea
Izenburuak dinoan moduan, hondamendien eta zoritxarraren inguruan jazotako istorioak batzen ditu Xabier Montoia idazle eta musikariak. Fikzinozko narrazinoen bildumea da Hondamendia (Elkar), sasoi guztietako hainbat tragediaren testuinguruan ipinita. 19 ipuin dira guztira.
20. Euskal Dendea, artisauen erdigune, abenduaren 4tik 8ra Durangon
2015-11-26 17:12 Kulturea
20 urte bete dituan Durangoko Euskal Dendea tradizino handienetakoa da Euskal Herrian. Arbaso, Euskal Herriko artisauen alkarteak antolatzen dauen azoka hau erakusleiho garrantzitsuena da, izan be, lurralde guztietako artisauek parte hartuko dabe, danetara 51 artisau, Araba, Bizkaia, Gipuzkoa, Lapurdi eta Nafarroatik etorritakoak.
Sarrera behar da? Aurretik erosi behar da?
»» 'Erbestez erbeste', bertso saio literarioa