Getxoko 29. Eskulangitza Azokeak 112 artisau batuko ditu barikutik domekara
2012-05-24 17:48 Kulturea
Getxoko 29. Eskulangintza Azokeak 112 eskulangile batuko ditu barikutik domekara bitartean. Areetako Geltokia plazan izango dira artisau gehienak, 98 hain zuzen be; ganerakoak, Ibaiondo kaleko gastronomiaren gunean egongo dira.
XVII. Eskola Antzerki jaialdiaren amaiera ekitaldia Arriagan izango da
2012-05-24 15:23 Kulturea
Aurtengo edizinoan sariak irabazi dituen lanak honako honeek dira: Maestra Isabel Gallego Gorria L.H.I.-ko Ebamirentxu eta Ring; Viuda de Epalza L.H.I.-ko Denboran bidaiatzen; Txurdinaga-Behekoa Batxilergoko Institutuko La posadera eta Karmelo Ikastolako Lore horia. Horrezaz gan, epaimahaiak akzesit bat emon deutso Solokoetxeko Karmelo institutuko Soloko kabareta lanari.
Castillo Suarezek, Uxue Alberdik eta Xabier Mendigurenek umeentzako liburu bana atara dabe
2012-05-24 13:06 Kulturea
Xabier Mendigurenen Kulerozahar, Castillo Suarezen Krispeta hegalariak eta Uxue Alberdiren Marizikina naiz, eta zer? umeentzako liburuak argitaratu ditu Elkar etxeak.
Karlos Linazasorok 'Apenas' egunkari poetikoa argitaratu dau
2012-05-23 12:36 Kulturea
Karlos Linazasorok Apenas liburua kaleratu barri dau, Utriusque Vasconiae argitaletxearen eskutik. Egunkari poetikoa osotu dau idazle tolosarrak. Errealidadea abiapuntu, egoera edo gogoeta bat, fikzinora egin dau salto egileak egunez egunez, umorea, surrealismoa edo mundu onirikoak erabiliz.
ACT jaialdiak mundu osoko sortzaile barriak batuko ditu Bilbon eta Barakaldon
2012-05-23 11:41 Kulturea
ACT Nazinoarteko Sortzaile Barrien Antzerkialdia antzerkizale eta arte eszenikoetako profesionalen alkargunea izango da maiatzaren 30etik bagilaren 2ra arte, Bilbo eta Barakaldoko hainbat agertokitan. Euskal Herriko konpainiekaz batera mundu osotik etorritakoak izango dira.
Poesiaren Bidearen inaugurazinoa
2012-05-21 10:54 Kulturea
Poesiaren Bidea instalazinoak campusa adeitsuagoa egiteaz gan, bi helburu ditu; lehenengoa, poesiaren gaineko interesa zabaldu, eta campuseko kide horreei guztiei kuriosidade intelektual eta literarioa piztu. Bigarrena, campusean barrena ibiltea askozaz entretenigarriagoa egitea.
Gaitzerdiren 'Suz' eta La Passanteren 'Rue des Dames', Leioako XIII. Umore Azokako lanik onenak
2012-05-21 10:52 Kulturea
Leioako XIII. Umore Azokeak Gaitzerdi Teatroren Suz eta La Passante konpainiaren Rue des Dames ikuskizunak saritu ditu. Ganera, arduradunek jaialdiaren balorazino ona egin dabe; hain zuzen be, 36.200 lagun batu dira Leioan astegoienean.
Martin Arbezu hernaniarraren bizitza gorabeheratsua jaso dau Iñaki Egañak
2012-05-18 15:01 Kulturea
Iñaki Egaña idazle eta historialariak La increíble historia de Martín Arbezu biografia aurkeztu barri dau, Txalaparta argitaletxearen eskutik. Mexikon izan eban Arbezuren barri, berbaldi baten.
Yoseba Peña bizkaitarrak 'Hodeien adorea' bere lehenengo nobelea kaleratu dau
2012-05-18 13:16 Kulturea
Yoseba Peña (Sodupe, 1977) bizkaitarrak Hodeien adorea bere lehenengo nobelea argitaratu barri dau Susa etxeagaz. Heriotzea eta zoriaren inguruan, Donostiaren alderik ilunena jaso dau.
Gernikako Bakearen Museoak 'Legionarioak: Mussoliniren italiarrak Espainiako gerratean 1936-39' erakusketea edegiko dau
2012-05-17 15:39 Kulturea
Gernikako Bakearen Museoak, italiarrek Gernikako bonbardaketan eta Espainaiko zenbait lekutan izan eben parte-hartzearen barri emon nahi dau. Garai haretako legionario italiar batek (1937-1939) ataratako 90 argazkik osotzen dabe erakusketea. Gerra zibila Guglielmo Sandril legionarioaren argazki-makinearen bidez ikusia, oroimen kolektiboaren ondare dokumentala.
Espazioa eta gorputza aurrez aurrez jantzearen bitartez, Alondigan
2012-05-17 14:47 Kulturea
Espazioaren eta gorputzaren arteko alkarrizketea proposatzen dau Espazioa & Gorputza egitasmoak, gaur bertan Bilboko Alondigan abiatuko dan Ex Arte Biziak ekimeneko monografikoak. Jantza garaikidea, performanceak eta instalazino artitiskoak aurkeztuko ditue Euskal Herriko zein kanpoko sortzaileek hiru egunetan, maiatzaren 19ra arte.
Twitter bidezko literatur lehiaketea, Literaldia'12ko arrakasta
2012-05-15 15:46 Kulturea
Literaldia'12 jaialdiaren arrakastea argi eta garbi geratu dan eremuetako bat teknologia barrien alorra da, berbarako, katalanez eta euskeraz, twitter bidez eginiko mikroipuin eta ipuin kolektiboaren lehiaketeagaz. Mikroipuinei jagokenez ehun baino gehiago jaso dira. Eta ipuin kolektiboa, barriz, hirurogeita hamar persona baino gehiagoren parte hartzeari esker egin ahal izan da.
'El sueño de Akala' lehenengo nobelea aurkeztu dau Francisco Panera basauritarrak
2012-05-15 15:28 Kulturea
Sarritan pasau dogu Malmasineko tunela, Bilbora sartzeko zein Bilbotik urteteko. Baina, gitxik dakie han bertan Burdin Aroko herri hezitu baten aztarnak dagozala. Francisco Panera basauritarrak orduko istorioa osotu dau El sueño de Akala (Txertoa) abentura nobelan.
David Hockney britainiarrak paisaje koloretsuz bete dau Bilboko Guggenheim museoa
2012-05-14 15:30 Kulturea
Paisajez bete dau David Hockney-k Guggenheimeko bigarren solairua; kolorez ganezka, pintzelez zein iPadagaz egindako 150 irudi baino gehiago batu ditu. Erakusketea irailaren 30era arte egongo da ikusgai, ostean, Koloniako Ludwig Museoara eroango dabe.
Arrigorriagak Clown eta Pailazoen Jaialdiaren edizino arrakastatsua agurtu dau
2012-05-14 11:20 Kulturea
Aurreko urteetan baino emonaldi gitxiago izan badira be, egitarauak agerraldi guztietara hurreratzea ahalbidetu dau, erlojuaren ezelako estutasunik barik. Batez beste, bostehun ikusle inguru hurreratu dira saio bakotxera; danetara, hamazazpi agerraldi izan dira eskola-umeentzat gehienbat.
Aiko taldeak erromeria tradizionala eskainiko dau Urbiako landatan
2012-05-11 14:35 Kulturea
Lehen erromeria datorren domekan, maiatzaren 13an, egingo da Urbiako landatan, Aitzgorriko Natur Parkean. Jai-giro eder honetan parte hartu nahi dauenak eta zaletasun bardineko jente berria ezagutzeko gogoa dauen guztiak, urteerako hitzordura agertzea besterik ez dau egin behar, 11:30ean Arantzazuko baseleizan (ostatuaren aurrean).
Pello Lizarraldek igesaldi baten kontakizuna osotu dau 'Orbanak' nobela barrian
2012-05-11 14:22 Kulturea
Pello Lizarraldek igesaldi baten kronikea kontau da Orbanak nobela barrian. Susmoak eta zalantzak dira nagusi istorio osoan, egileak berak aurkezpenean azaldu ebanez. Erein argitaletxeagaz plazaratu dau liburua.
Jantzea eta diziplinartekotasuna nagusi, Leioako XVIII. Umore Azokan
2012-05-09 15:45 Kulturea
Jantzea eta diziplinartekotasuna dira aurtengo Leioako Umore Azokearen osogai nagusiak, Bilboko Rekalde Aretoan egindako aurkezpenean antolatzaileek nabarmendu dabenez. Maiatzaren 17an hasi, eta lau egunez, ez da aspertzeko astirik izango Leioako kale, plaza eta parkeetan, izan be 120 emonaldi eskainiko ditue Euskal Herriko zein kanpoko 45 konpainiak.
Barañaineko XVIII. Txotxongilo Jaialdiak igaz hildako Juan Faro gogoan izango dau
2012-05-09 12:21 Kulturea
Maiatzaren 13tik 16ra bitartean egingo da aurtengo Barañaineko Nazinoarteko Txotxongilo Jaialdia, hamazortzigarren edizinoa hain zuzen be. Hamar txotxongilo taldek euren lanik barrienak erakutsiko ditue Barañaineko plaza eta aretoetan. Ganera, igaz hildako Juan Faro Jacinto txotxongilolariari omenaldia egingo deutse.
Hiru eguneko egitarau zabala, Arrigorriagako XVII. Clown eta Pailazo Jaialdian
2012-05-08 15:21 Kulturea
_profile_sidebar.jpg)
_profile_sidebar.jpg)
Krisiak aurrekontuan eragina euki arren, kalidadezko eskaintzea izango dau aurten be Arrigorriagako Nazinoarteko Clown eta Pailazo Jaialdiak, lehenengo mailako artistakaz, Arrigorriagako alkate Asier Albizuak prentsaurrekoan nabarmendu dauenez. Maiatzaren 11tik 13ra bitartean egingo da festibalaren 17. edizinoa.
Nabarmenak
Parkatu Ramon, zuzenketak egin doguz.
»» XXXI. dFERIA Arte Eszenikoen Azokea ...