'Bizkaian Sokatirea Landuz' proiektua babestuko dau Bilboko Udalak

| Ikusi handiago | Argazki originala

2024-2025 ikasturtetik, proiektuak sokatirea praktiketea sustatzen dau Bizkaiko ikastetxeetan, kirola, kulturea eta tradizinoa buztartzen dituan kirol-modalidade hori ezagutarazoteko eta harrobia sortzeko.

Itxaso Erroteta Bilboko Udaleko Gazteria eta Kiroleko zinegotziak aitatu proiektuaren lorpenak eta barrikuntzak aurkezteko ekitaldian hartu dau parte. Ekitaldia Bilboko Herri Kirol Zentroan egin da, Txurdinagako udal-kiroldegian.

Bizkaiko Euskal Joko eta Kirol Federakundeak bultzatuta, Bizkaian Sokatira Landuz proiektuaren helburua da Bizkaiko ikastetxeetan sokatirea sustatzea, harrobia sortzeko eta kirola Bizkaiko gazteei hurbiltzeko.

Etapa barri honen desafioetako bat da Bizkaiko ikastetxe gehiagotan ezartzea eta programea Bilbora zabaltzea. Apustu hori aukera ederra da sokatirea sustatzeko eta bultzatzeko. Esangura horretan, Bilboko Udalak Bilboko Herri Kirol Zentroa dauka, Euskadiko herri-kirolen entrenamendu profesionalerako lehen zentroa. Ekipamendu horrek, sokatirarako espazio propioa izateaz gan, euskal herri-kirolak lantzeko eta profesionalizetako erreferentzia-zentro bihurtzeko helburua beteten dau.

Bizkaian Sokatirea Landuz programeak 605 ikasle izan zituan 2024-2025 ikasturtean eta 1.615 gaztek hartu dabe parte 2025-2026 ikasturtean. Proiektu horren bilakaerea gero eta handiagoari esker, helburu gehiago nabarmendu daitekez, besteak beste, profesionalizazinoan aurrera egitea, Bizkaiko sokatirearen oinarria indartzea eta kirol-modalidade horren belaunaldi-erreleboa bermatzea, Euskadi nazinoarteko erreferente handienetakoa baita.

Proiektu honen upealako erantzunaren kako edo arrazoietako bat da lurraldeko erreferentziazko klubak zuzenean inplikau dirala kirola, kulturea eta tradizinoa buztartzen dituan modalidade honetan: Abadiño, Gaztedi (Laukiz) eta Goierri (Erandio). Hirurak arduratzen dira sokatirea Bizkaiko ikastetxeetara hurbiltzeaz eta, aldi berean, kirol-prestakuntzea bultzatzeaz.

Ganerakoan, Laboral Kutxaren inplikazinoa erabagigarria izan da hazkunde hori posible egiteko. Euskal kirola sustatzeko eta sokatirearen berezko balioak transmitiduteko hartu dauen konpromisoari esker, eskola-kirolaren sustapenean erreferente bihurtutako proiektua sendotu ahal izan da.

Laboral Kutxaren laguntzeagaz batera, Bizkaiko Foru Aldundiaren lankidetza instituzionala be erabagigarria da lurraldean sokatirea bultzatzen jarraitzeko. Lankidetza horren ondorioz, 2026-2027 ikasturtean zehar, Foru Aldundiak sokatirearen eskaintzea zabalduko dau Eskola Kirola programearen barruan, modalidadea ume eta kadete mailetan txertatuz. Era berean, Bizkaiko Foru Aldundia proiektua lurraldean zabaltzen laguntzen dabil, Busturialdea-Urdaibai eskualdean sokatirea sustatuz.