'1TZ4L1 3T4 P1ZTU': bertsolaritzea eta zuzeneko elektronikea

Bizkaie! 2026-02-25 09:45   Bertsolaritzea

Loraldia Festibalak 1TZ4L1 3T4 P1ZTU ikuskizuna aurkeztuko dau martiaren 10ean, Bilboko Kafe Antzokian. Ekimenak, bat-bateko bertsolaritzea eta zuzeneko musika elektronikoa buztartuko ditu. Guztira, zazpi sortzaile izango dira oholtza gainean.

Helburua ondokoa da: orain arte bereiziak izan diran diziplina bi, modu librean aurkeztea oholtza gainean. Beraz, ikuskizunaren helburua ez da musikea jarri eta bertsoak bota: alde biek alkarri erantzun behar deutse.

Ikuskizunak musika elektronikoaren estilo eta doinuak aurkezten ditu. Bertsolariek doinutegi barritu eta birmoldatu baten gainean inprobisau behar dabe, gaur egungo elektronika-egileen doinuak bertso-neurrietara eroanez. Horren ondorioz, bertso-doinuak sortzen dira: abesti elektronikoak bersionatu eta reggaetona, reggaea, baladak, cumbia edo popa bertso konbertiduta.

Zazpi sortzaile ibiliko dira:

• Musikariak: Manex Pagola eta Aner Peritz.
• Bertsolariak: Nerea Ibarzabal, Haira Aizpurua, Oihana Bartra eta Ekain Alegre.
• Gai-jartzailea: Idoia Anzorandia.

Kontuak kontu, ikuskizunak euskerazko kulturearen adierazpide klasikoak (bertsolaritzea) eta gaurko hizkuntza artistikoak (elektronika, ahots-efektuak, formatu hibridoak) buztartzen ditu, publikoa erakartzeko eta sorkuntza garaikidea sustatzeko. Berria da ekimaren kolaboratzailea. 

Sarrerak hemen.

Ikusi argazki guztiak handiago