Ondarroak punta-puntako urpekari profesionalen eskolea zabaldu dau

| Ikusi handiago | Argazki originala

Ondarroako Antiguako Ama Itsas-Arrantza Eskoleak urpekari profesionalen eskolea jarriko dau martxan. Ondarroako portuan eregitako pabilioi batean kokatuta, urpekari profesinonalak prestetako eskola barriak hiru titulazino eskainiko ditu: itsas baliabideen batzailea (15 metroko sakonera), sakonera txikikoa (30 metroko sakonera) eta sakonera ertainekoa edo bigarren mailakoa (60 metroko sakonera). Horreek guztiak Eusko Jaurlaritzako Nekazaritza, Arrantza eta Elikagaien Industria Sailaren ziurtagiriak izango dira, erakunde horren menpe baitaude hainbat sektoretan gero eta gehiago eskatzen diran titulazio horreek.

Isabel Mendiguren, Eusko Jaurlaritzako Hezkuntza Sailako Ikaskuntza Berezien zuzendaria; Koldo Goitia, Portu, Itsas Gai eta Itsasertzeko zuzendaria; Cristina Mugica, Bizkaiko Foru Aldundiko Lurralde Lehiakortasuneko eta Kanpo Sustapeneko zuzendari nagusia; Joseba Segura, Bilboko gotzaina, eta Amaia Basterretxea, Itsas-Arrantza Eskolako zuzendaria izan dira urpekarien eskola barriaren inaugurazinoan.

Kontuak kontu, urpekari-eskoleak prestakuntzea eskainiko deutse urpean lan egin behar daben profesinonalei, suhiltzaileei edo poliziei, segurtasun-kidegoei eta erreskate-langileei, urpeko lanetan espezializautako soldatzaileei edo igeltseruei, bai eta ur azpian lan egiten daben arkeologo edo biologoei be, gaur egun akreditazino hori behar badabe.

Guztiek kanpoko laguntzea behar dabe, eta horregaitik daroe eskafandrea edo urpekarien kaskoa, profesinonala ez dan urpekaritzan ez bezela, bertan aire-botila bakarra daroelako, azaldu dau Inazio San Miguel Aizpuruk, urpekarien eskolako arduradunak eta urpekari profesinonalen irakasleak 2010etik.

Eskola barriak, beste elementu barritzaile batzuen artean, plaza anitzeko kamara hiperbarikoa dauka, urpekarietan emon daiteken deskonpresinoagaitiko gaixotasuna tratetako ontzi presurizau balioduna. Gainera, hilabete gitxiren buruan 5 metroko sakonerea eta 15 metroko luzerako zulo bat izango dau, praktika batzuk egiteko, olatuen garaian Kantauri itsasoan sartu behar ez izateko. Hori guztia, etorkizuneko urpekariak trebatzeko tailer praktikoez eta gela espezifikoez gan.

Ikastaro espezializatuetan aurrendaria

Ondarroakoa izango da Euskadin itsas baliabideak batzeko ikastaroa eskainiko dauen urpekari profesinonalen lehen eskolea, trikuak edo algak batzeko balio dauana eta, aldi berean, ikastaro teorikoak online eskaintzeko asmoa dauena; horrek erraztu egingo ditu urpekariaren akreditazinoa behar daben egungo jarduneko profesinonalentzako ikasketak. Ondarroan urpekari profesinonalak prestetan erreferentea izango da upelako instalazinoak baititu, izan be, Euskadin kamara hiperbariko bi baino ez dagoz. Eta prestakuntza teoriko eta praktikoa lehen mailakoak izango dira, azaldu dau San Miguelek. Horregaz guztiagaz, Ondarroako Arrantza Eskolea, Bilboko Gotzaindegiko eleizbarrutiko ikastetxeen EBI sarean sartuta, Euskadiko lanbide heziketako ikastetxe osoena da, itsas lanbideetan espezializautakoa.

Lanbide heziketa sendoaren alde egitea kalidadeko enpleguaren, gizarte kohesinoaren eta lurralde orekearen alde egitea da, benetako aukerak eskaintzea, personek beren bokazinoa jorratu deien, kanpra alde egin behar izan barik, eta sektore estrategikoek profesinonal arduratsuak eta konprometituak izan ditezan. Urpekari-eskola hau adibide ona da hezkuntzeak tokikotasunetik etorkizuna zelan sortu leiken ikusteko, adierazo dau Joseba Segura Bilboko gotzainak inaugurazinoan.

Sektore honetako araudiak ezartzen dauen lez, kurso bakotxean gehienez 12 ikasle egongo dira, eta horreek praktikau ahal izango dabe bai foso artifizialean, Ondarroako portuan bertan, baita itsaso zabalean be, baldintzek ahalbidetzen dabenean. Edozelan be, kanpoko laguntzea jasoko dabe. Buzoko kaskoaren edo eskafandrearen bidez konektauta egongo dira, eta arnasketako eta kanporako komunikazinoko hodien bidez, langile gaituak izango ditue beti: horrek guztiak, materialakaz batera, asko igoten dau urpekari profesinonal baten urperatzearen kostua, zehaztu dau urpekari-eskolako arduradunak.