Asier Altunak eta Telmo Esnalek Zinemira Saria jasoko dabe

Bizkaie! 2025-08-29 12:55   Zinemea

Guztira 38 produzinok (27 film luze, bost film ertain, hiru film labur eta hiru serie) osotzen dabe Zinemaldiaren 73. edizioko euskal zinemearen parte-hartzea. Hainbat ataletan banatuta programau dira lanak: Sail Ofiziala, New Directors, Horizontes Latinos, Zabaltegi-Tabakalera, Nest, Culinary Zinema, Zinemira, Made in Spain, Belodromoa, Haurrentzako Zinema, Klasikoak, EITB Gala eta RTVE Galak.

Zinemira da euskal zinemeari eskainitako saila eta aurton hamahiru proposamen jasoko ditu. Horreetako lau Zinemaldian mundu-estreinaldia izango daben film luzeak dira, beraz, Euskal Zinemearen Irizar Saria eskuratzeko hautagaiak dira; film irabazlearen produktoreek 20.000 euro jasoko ditue. Donostia Zinemaldiak eta Eusko Jaurlaritzako Kultura Sailak atondutako saila da Zinemira, Irizarrek, EITBk eta Urbilek babestua, eta Euskadiko Filmategiaren, EPE-IBAIA produkzino-etxeen-alkartearen eta Zineuskadiren lankidetzea dau.

Euskal Zinemaren Irizar Saria

• Lurdes Iriondo, ez gera alferrik pasako (Inge Mendioroz).
• Hombre bala (Anuska Ariztimuño).
• Eloy de la Iglesia, adicto al cine (Gaizka Urresti).
• Arg(h)itzen: torturaz argi hitz egiten, tortura argitzen (Mikelatxo Urbi).
• Maspalomas (Jose Mari Goenaga eta Aitor Arregi).
• Los tigres (Alberto Rodriguez).
• Los domingos (Alauda Ruiz de Azúa).
• Un fastama en la batalla (Agustín Díaz Yanes).
• Karmele (Asier Altuna).
• Aro berria (Irati Gorostidi Agirretxe).
• El último arrebato (Marta Medina eta Enrique López Lavign).
• Tetsu, txispa, hosh (Jon Arregui Larrazabal).
• La tregua (Miguel Angel Vivas).

Horreezaz gan, lehiaz kanpo, film ugari proiektauko ditue. Ondoko honeek dira:

• Natura fugit (Jesus Mari Lazkano).
• Daniela Forever (Nacho Vigalondo).
• Ombuaren itzala (Patxi Bisquert).
• Los aitas (Borja Cobeaga).
• Faisaien irla (Asier Urbieta).
• Popel (Oier Plaza).
• Jone, batzuetan (Sara Fantova).
• Itoiz udako sesioak (Larraitz Zuazo, Zuri Goikoetxea eta Ainhoa Andraka).
• Gregorio Ordoñez, el asesinato que despertó la rebelión contra ETA  (Arantxa Aldaz, Javier Roldán eta David Taberna).

Era berean, euskal proiekzino ugari egingo ditue Zinemaldiko hainbat sailetan: 

• Zeru ahoak (Koldo Almandoz).
• La misteriosa mirada del flamenco (Diego Cespedes).
• Bariazioak (Lur Olaizola Lizarralde).
• A solidão dos lagartos (Ines Nunes).
• Nosotros (Helena Taberna).
• La infiltrada (Julio Medem eta Arantxa Echevarria).
• ¡Caigan las rosas blancas! (Alberta Carri).
• Miss Carbón (Agustina Macri).
• Go!azen (Itziar Gómez Sarasola).
• Gipuzkoa Hegan (Javi Gutierrez eta Lorea Perez de Albeniz).
• Heidi, katamotzaren erreskatea (Tobias Schwarz eta Aizea Roca).
• Hamaseigarrenean aidanez (Anjel Lertxundi).
• Ehun metro (Alfonso Ungria).
• Zergatik panpox (Xabier Elorriaga).
• Oraingoz izen gabe (Jose Julian Bakedano).

Zinemira Saria

Zinemira Saria Donostia Zinemaldiak eta EPE-IBAIA produkzino-alkarteak emoten daben ohorezko saria da eta euskal zinemagintzearen alorreko persona ospetsu baten ibilbidea autortzen dau. Orain arte, Imanol Uribek (2009), Álex Angulok (2010), Elías Querejetak (2011), Michel Gaztambidek (2012), Juanba Berasategik (2013), Pedro Oleak (2014), Karmele Solerrek (2015), Ramón Bareak (2016), Julia Juanizek (2017), Ramon Agirrek (2018), José María Txepe Larak (2019), Sara Bilbatuak (2020), Kimuak programak (2021), Txema Areizagak (2022), Paco Sagarzazuk (2023) eta Elena Iruretak (2024) jaso dabe. Aurten, Zinemaldiak eta EPE-IBAIAk Telmo Esnal eta Asier Altuna zinemagileak autortuko ditue Victoria Eugenia antzokian irailaren 23an egingo dan Euskal Zinemearen Gala Handian.

Telmo Esnalek (Zarautz, 1966) eta Asier Altunak (Bergara, 1969) alkarrekaz hasi eben ibilbide zinematografikoa, Txotx (1997) eta 40 ezetz (1999) film laburrekaz. 2005ean zuzendu eben lehen film luzea, Aupa Etxebeste! (New Directors, 2005), 20. urteurrenaren harira jasoko daben Zinemira Saria. Komedia horrek Donostia Zinemaldiko Gazteriaren Saria eta Goya sarietarako zuzendari barri onenaren izentapena balio izan eutseen tandem gipuzkoarrari. Horren ostean, Esnalek eta Altunak film gehiagotan kolaboratu dabe, esaterako, Urte berri on, amona! (New Directors, 2011); Iraila, Kalebegiak (Belodromoa, 2016); eta, Agur, Etxebeste! (Euskal Zinemaren Gala, 2019).

Bakarka, Esnalek jantza tradizinonalen bidez euskal gizartearen erretratu poetikoa egiten dauen Dantza eta existentziari buruz hausnartzen dauen Urtzen (Zinemira, 2020) zuzendu ditu. Altunak, barriz, Bertsolari (Sail Ofiziala lehiaz kanpo, 2011), Amama (Sail Ofiziala, 2015), Arzak since 1897 (Culinary Zinema, 2020) eta Hondalea (Euskal Zinemaren Gala, 2021) zuzendu ditu. Gainera, Altunak, Karmele aurkeztuko dau Sail Ofizialeko Emanaldi Berezietan, lehiaz kanpo.