Bizikletea gero eta gehiago erabilten da Bizkaian

| Ikusi handiago | Argazki originala

Urte bitan, BizkaiBizi proiektu pilotua izatetik mobikortasun iraunkorraren aldeko Bizkaiko egitasmo sendoenetako bat izatera pasau da. Bizkaiko Foru Aldundiak sustatutako bizikleta elektriko partekatuen sistema publiko horrek agerian itxi dau garraiobide garbiagoak, osasungarriagoak eta irisgarriagoak izatea beharrezkoa izateaz gan, posible dala, baita herritarrek nahi dabena be.

2023ko urrian martxan jarri zanetik, BizkaiBiziri esker, 2,5 miloe joan-etorri baino gehiago egin dira, egunean batez beste 7 erabilera bizikleta bakotxeko eta 24.000 erabiltzaile aktibo baino gehiagok hartu dabe parte. Zifra hori oso esanguratsua da, eta eredu horrek Bizkaiko biztanleen artean izan dauen onarpen-maila ezin hobea izan dala adierazoten dau. Bizikleta elektrikoa daborduko ez da barrikuntza hutsa, izan be, eguneroko tresnea da, urian zehar ibilteko, auzoak lotzeko eta arin, merke eta emisinorik bako mubiduteko.

Herritarren atxikimendua gero eta handiagoa danez, metropoli-eremuko 9 udalerritan zehar edegi da sistemea: Bilbon, Barakaldon, Portugaleten, Getxon, Leioan, Erandion, Sestaon, Basaurin eta Berangon. Guztira, 86 geltoki jarri dira, 1.180 ainguraketa fisiko baino gehiago egin dira, eta parke mobikorrak, uda honetan, 824 bizikleta elektriko operatibo baino gehiago izango ditu.

Arrakastea ez da soilik zifretan islatzen. Garapen-fase barria diseinetako abiapuntua be bada: BizkaiBizi 2.0. Bilakaera hori uda ondoren hasiko da hedatzen, eta sistemearen estaldura geografikoa zabaltzeaz gan, jauzi kualitatiboa izango da haren funzinonamenduan, gobernantzan eta epe luzeko iraunkortasunean.

Eredu barriak aurreikusten dau udalerri gehiago sartzea eta sarea orain arte konektau bako eremuetara zabaltzea; holan, eskualde arteko joan-etorriak erraztu eta auto pribatuarekiko mendekotasuna arabere gehiago murriztuko da. Programaren beste zutabeetako bat hobekuntza teknologikoa izango da.

Bizkaiko Foru Aldundia azken urteotan sustatzen dabilen bizikleta bidezko mobikortasunaren estrategia zabalago baten barruan dago BizkaiBiziren hedapena. Halanda ze, bizikleta benetako aukerae izan deian, ezinbestekoa da bizikletari mesede egingo deutson ingurunea eregitea. Alde horretatik, daborduko 15 BiziPark jarri dira martxan, 447 plaza (urtea amaitu baino lehen 500). 

Aparkaleku-sare hori osotzeko, Bizkaiak 110 BiziPuntu geltoki ditu, 86 udalerritan banatuta. Gainera, Foru Aldundia Bizikleta Bideen Lurralde Plan Sektoriala egiten dabil. Funtsezko dokumentu horrek 350 kilometro baino gehiagoko ibilbide berdeen sare konektatua definiduko dau.

Garraioak, Mobikortasuna eta Turismoa Sustatzeko foru diputadu Sonia Pérez Ezquerrak adieraza dauenez: ez gagoz inprobisetan. Hobeto, garbiago, osasungarriago eta jendearengaindik hurrerago mobiduten dan Bizkaia eregiten gagoz.