Urresolaren '20.000 especies de abejas' filmak edegiko dau Euskal Emakume Zinemagileak

Bizkaie! 2025-04-02 13:41   Zinemea

Euskal Emakume Zinemagileak zikloaren bosgarren eta azken edizinoak zuzendari gazteenen hamabi film programauko ditu apiriletik bagilera bitartean. Holan, Euskadiko Filmategiak 2021ean martxan jarri eban proiektua zarratuko dau. Euskal zinemearen egoerea modu erabagigarrian eraldatzen lagundu daben 50 zuzendari baino gehiagoren lana autortu nahi izan da bost urte horreetan. Aurton, lehen aldiz, fikzinoko lanen kopuruak ia dokumentalena bardindu dau.

Tabakaleran egin daben prentsaurrekoan, bost zikloetako baten parte hartu daben 20 zuzendari baino gehiago izan dira: Mireia Gabilondo, Mirentxu Purroy, Aizpea Goenaga, Ione Hernández, Yolanda Mazkiaran, Rosa Zufia, Helena Bengoetxea, Estela Iláraz, Jone Karres, Izaskun Arandia, Enara Goikoetxea, Iurre Telleria, Olatz González de Abrisketa, Gentzane Martínez de Osaba, Tamara García Iglesias, Ainhoa Andraka, Zuriñe Goikoetxea, Lara Izagirre, Ainhoa Gutiérrez del Pozo, Aitziber Zapirain, Maria Elorza, Maite Ruiz de Austri, Nerea Sciarra, Tamara Lucarini); baita Ibone Bengoetxea (Eusko Jaurlaritzako Kultura eta Hizkuntza Politikako sailburua), Joxean Fernández (Euskadiko Filmategiko zuzendaria), Beatriz Herráez (Artium Museoko zuzendaria), Edurne Ormazabal (Tabakalerako zuzendari nagusia), Silvia García Lusa (Arte Ederren Bilboko museoko Jardueren koordinatzailea), Nagore Ezeiza (Hemen Alkarteko kidea) eta María Pilar Rodríguez (Deustuko Unibersidadeko irakaslea eta Cineastas vascas liburuaren koordinatzailea) be.

Euskadiko Filmategiaren zuzendari Joxean Fernandezek ondokoa adierazo dau: zikloak hiru helburu ditu: Euskal emakume zinemagileen talentua Filmategiaren pantailetan erakustea; eurek aurkeztea eta berba egitea; eta, ikerketa akademikoa egitea horreen historiari eta filmografiaren garapenari buruz (Cineastas vascas, Maria Pilar Rodriguezek koordinatua).

Ibone Bengoetxeak, lehen lehendakariordeak eta Kultura eta Hizkuntza Politika sailburuak euskal emakume zinemagileek osotzen daben sarearen garrantzia azpimarrau dau aurkezpenean: emakumeok gizartearen erdia gara eta gure begiradea ezinbestekoa eta beharrezkoa da arlo guztietan, baina, batez be, zinemagintzean. Zinemeak egunerokotasuneko gaiei eta arazoei beste modu batera begiratzeko aukerea emoten deusku eta, emakume zinemagileen ahots eta ikuspegi hori balorean jarri behar dogu, benetan ekarpena egiten deutsolako gizarteari.

Bihar, apirilak 3 (eguena), hasiko da zikloa Artium Museoan; apirilaren 4an (barikua) Donostian izango da; eta apirilaren 5ean (zapatua), barriz, Bilbon.

Programazinoa eta sarrerak hemen.

Filmak

• 20.000 especies de abejas (Estibaliz Urresola, 2023).
• Enero (Ione Atenea, 2019).
• Nina (Andrea Jaurrieta, 2024).
• Polaris (Ainara Vera, 2022).
• Un otoño sin Berlín (Lara Izagirre, 2015).
• Arima (Jaione Camborda, 2019).
• Young & Beautiful (Marina Lameiro, 2018).
• Pizti bat, agian (Ainhoa Gutiérrez del Pozo, Olatz González Abrisketa, 2023).
• Arduraz komunika dezagun (Aitziber Zapirain, 2021).
• Las letras de Jordi (Maider Fernández Iriarte, 2019).
• A los libros y a las mujeres canto (Maria Elorza, 2022).
• Paradise Hills (Alice Waddington, 2019).

Saio berezia

Programazinoari amaierea emoteko, saio berezia egingo da: halanda ze, Aukera programa osotzen daben sei film laburrak proiektauko dira. Zinemearen munduan lehen pausuak egin nahi dituen emakumeei zuzendutako mentoretza-ekimena da Aukera programea. (H)emen Alkarteak atontzen dau, Zinebigaz alkarlanean eta Zineuskadiren, Kutxa Fundazinoaren eta Arabako, Bizkaiko eta Gipuzkoako foru-aldundien babesagaz.

Bagilaren 17an, Artium Museoan eta 24an, barriz, Tabakaleran be izango dira saio bereziak.

Ondoko film honeek programau ditue: Hemen bizi da maitasuna (Ainhoa Olaso, Enara Garcia, 2022), Prioridades (Tamara Lucarini, 2023), Hadas (Beatriz de Silva, 2023), Komando Marmitako (Uxue Botas, Ane Nafarrate, 2024), Pomo d’oro (Nerea Sciarra, 2024) eta Azkena (Ane Inés Landeta, Lorea Lyons, 2024).

Bost urteetan proiektautako filmen zerrendea

- I. Euskal Emakume Zinemagileak

• Urte ilunak (Arantxa Lazkano, 1992).
• Varados (Helena Taberna, 2019).
• Mariposas en el hierro (Bertha Gaztelumendi, 2012).
• Kamarada (Julia Juániz, 2019).
• Denboraren gibelean (Mirentxu Purroy, 1993).
• Zeru horiek (Aizpea Goenaga, 2005).
• Erlauntza (Mireia Gabilondo, 2020).
• Todo está oscuro (Ana Díez, 1997).
• Lucius Dumben berebiziko bidaia (Maite Ruiz de Austri, 2013).

- II. Euskal Emakume Zinemagileak

• Carmen y Lola (Arantxa Echevarría, 2018).
• Mujeres en pie de guerra (Susana Koska, 2004).
• La higuera de los bastardos (Ana Murugarren, 2017).
• 1 % esquizofrenia (Ione Hernández, 2006).
• Poética pública. Plaza (Esther Pérez de Eulate, 2010).
• Toda la vida del mundo (Nuria Ruiz Cabestany, 2010).
• Aztarnak (Maru Solores, 2021).
• Anderea (Yolanda Mazkiaran Zelaia, 2020).
• Asier eta biok (Amaia Merino, Aitor Merino, 2013).

- III. Euskal Emakume Zinemagileak

• Arnasa betean (Bertha Gaztelumendi, Rosa Zufía, 2023).
• El sueño de la sultana (Isabel Herguera, 2023).
• Matrioskas. Las niñas de la guerra (Helena Bengoetxea, 2021).
• Próxima estación (Estela Ilárraz, 2007).
• Alardearen seme-alabak (Jone Karres, Eneko Olasagasti, 2013).
• My way out (Izaskun Arandia, 2022).
• Azken bidaia (Enara Goikoetxea, Iurre Telleria, 2011).
• Pelota II (Olatz González Abrisketa, Jorgen Leth, 2015).
• Irrintziaren oihartzunak (Iratxe Fresneda, 2016).
• El último verano (Leire Apellaniz, 2016).

- IV. Euskal Emakume Zinemagileak

• Señales de vida: Néstor Basterretxea (Gentzane Martínez de Osaba, Alejandro García de Vicuña, 2014).
• Tratamos demasiado bien a las mujeres (Clara Bilbao, 2024).
• Zarata (Tamara García Iglesias, 2023).
• Muga deitzen da pausoa (Maider Oleaga, 2018).
• Norberaren gela (Ainhoa Urgoitia, Enrique Rey, 2021).
• Cinco lobitos (Alauda Ruiz de Azúa, 2022).
• 918 gau (Arantza Santesteban, 2021).
• La ama (Arantza Ibarra, Luisje Moyano, 2016).
• Bost minutu (Amaia Nerekan, 2021).
• Nosotras, mujeres de Euskalduna (Larraitz Zuazo, 2016).
• Cabeza y corazón (Ainhoa Andraka, Zuri Goikoetxea, 2021).