Sari banaketea, 'Non Stop' saioak eta ikuskizun ugari atondu ditue astebururako

Bizkaie! 2024-12-13 09:26   Zinemea

17. BBK Mendi Film Bilbao Bizkaia Zinemaldia azken egunetan sartuko da Euskalduna Bilbaon, gaurtik, hilaren 13ra, domekara.

Sariak emoteko ekitaldia domekan izango da, arratsaldeko 17:00etako Non Stop saioan.

Michael Dillon, Joni Cooper, Toon Hezemans, Oscar Gogorza eta Haizea Huegun ibili dira epaimahaikide lanetan. Horreen erabakia, Sail Ofizialeko palmaresaren ebazpena, zapatu gaueko 20:00etan publikauko dabe. Iñigo Aristegui eskultoreak landutako Eguzkilore eta Txalaparta garaikurrez batera, 24.800 euro banatuko dira saritan.

Ganera, egitarau oparoa dakar Mendi Filmeko azken astegoienak:

• Gau Magikoa [aurtongo barrikuntzea]: umeei eta familiei zuendutako zine-saio antzeztua, Les Bobé Bobé konpainiaren eskutik.
• Mendi Pro 2024 saioa: Mendiko zinemearen industriari begira eginiko aurkezpen eta hitzaldiak. Parte-hartzaileen artean: Filmin plataformako sortzaile Jaume Ripoll, Jina Lee Coreako Ulsan-Ulju jaialdiko arduraduna, Joni Cooper Californiako DocLands jaialdiko arduraduna eta Jabier Baraiazarra Mendi Filmeko zuzendaria eta IAMF presidentea.
• Mendi Talk: Thomas Huber eta Karlos Aretxabaletaren liburu aurkezpenak.
• Workshop: Mendiko pinturea eta krokis tailer experimentala Eli Azurmendi eta Chema Agustinen eskutik.
• Beka 2024: Peligro No Asomarse pelikulearen estreinaldia.
• Sei pelikulen emonaldia Sail Ofizialean.
• Hiru filmen proiekzinoak Zabalandi Sailean.
• Non Stop saioak: domekan pelikula sarituak 12:00etan, 17:00etan eta 19:45ean.

Orain arteko balantzea bikaina da. Lehen asteburuan Euskalduna Bilbaoko aretoagaz pasa zan bezela, astean zehar BBK Aretoa be lepo bete da jentez.

Programazinoa

- Hilak 13:

• 9:00: Mendi Pro 2024: Jaume Ripoll (Filmin). Euskalduna.
• 16:30: Mendi Talk: Karlos Aretxabaleta. Euskalduna. Horrezaz gan, Moving Himalayas filma proiektauko dabe (Zuzendaria: Julio A. Valero).
• 17:30: Hiru Handiak. Zuzendariak: Ander Salsamendi & Aitor Intxaurraga. Protagonistea: Maite Maiora. Euskalduna.
• 19:45: Film bi proiektauko ditue: Glaziarrak agurtzen (Zuzendaria: Iker Larrañaga) eta Big water theory (Zuzendaria: Emile Dominé). Euskalduna.

- Hilak 14:

• 09:00: Workshop. Eli Azurmendi eta Chema Agustin. Euskalduna.
• 12:00: Mendi Talk: Thoma Huber. Euskalduna. Ordu eta leku berean, Gau Magikoa atondu dabe.
• 17:00: Film bi proiektauko ditue: Peligro. No asomarse (Zuzendaria: Dani Cascales) eta Painting the mountains (Zuzendaria: Pierre Cadot). Euskalduna.
• 19:45: Always alive Ashima (Zuzendaria: Kenji Tsukamoto). Euskalduna.

- Hilak 15:

• Non Stop saioak Euskaldunan: 12:00etan, 17:00etan (sari banaketea) eta 19:45ean.

Sarrerak hemen.