XIV. Zinexitek Giza Eskubideei buruz hausnartzera konbidetan deusku

| Ikusi handiago | Argazki originala

Zinexit, Eusko Jaurlaritzako Justizia eta Giza Eskubideen Sailak, Giza Eskubide, Biktima eta Aniztasunaren Zuzendaritzaren bidez, sustatzen dauen Giza Eskubideen Zinema Erakustaldia Bilbora bueltako da aurton be. Betiko lez, oinarrizko eskubideen inguruan gogoeta egitera konbidetako, zineforum klasikoen eskemeari jarraituko deutso: film baten proiekzinoa eta, ondoren, berbaldia.

Zemendiaren 25etik, astelehena, 29ra, astelehena, egingo da Bilboko Azkuna Zentroko Golem zinema-aretoetan. Saioak 19:30ean hasi eta sartzea doban izango da; konbidapenak bihartik, hilak 23, eskuratu daitekez zinema-aretoko leihatiletan. Gehienez, sarrera bi persona eta film bakotxeko.

Jagoba Álvarez Ereñok, Eusko Jaurlaritzako Giza Eskubideen, Biktimen eta Aniztasunaren zuzendariak, aurkeztu dau erakustaldia Bilbon eta Carlos Regidor, Bilboko Udaleko Giza Eskubideen, Bizikidetzearen, Lankidetzearen eta Kulturartekotasunaren Saileko burua, eta Octavio González, Zinexiteko programatzailea be berton izan dira.

Alvarezek adierazo dauenez, proiekzino bakotxa askotan ezkutuan egoten diran errealidadeetan sakontzeko eta isilarazo dituenen ahotsak anplifiketako aukerea izango da. Ekintza bakotxak balioa dau, baita ahots bakotxak be. Burruka horregaz bat egitean, mundu justuagoa eta bidezkoagoa eregiten laguntzen dogu.

Ikasle eta nerabeei zuzendutako programazinoa

Betiko lez, Bilboko Udalagaz lankidetzean, Bosa! programea atondu da Bigarren Hezkuntzako eta Heziketa Zikloetako ikasleei zuzenduta. Aurreikuspenen arabera, 1.400 ikaslek eta 84 irakaslek hartuko dabe parte zemendiaren 27ko eta 28ko proiekzioetan.

• Izurdi mutikoa (Mohammad Kheyrandishen).
• Remenber my name (Elena Molina).

Programazino ofiziala

• Zemendiak 27: Sueños y pan (Luis Soto Muñoz).
• Zemendiak 26: Remenber my name (Elena Molina).
• Zemendiak 27: Pure Unknown (Valentina Cicogna eta Mattia Colombo).
• Zemendiak 28: Black box diaries (Shiori Itō).
• Zemendiak 29: Matar a un ruiseñor (Robert Mulligan).