Danetara, 31.470 sarrera saldu dira % 8,32 gehiago igazko datuagaz konparauta

| Ikusi handiago | Argazki originala

Programazinoa Zinemaldiaren webgunean eta komunikabide lokaletan argitaratuko da. Hilaren 11tik aurrera, Filmez Film gidaliburuak Zinemaldiaren bulegoan salduko dira (Tabakalerako bigarren pisuan, 10:00etatik 14:00etara eta 15:30etik 19:00retara, 2,50 euroan).

Zapatutik aurrera (hilaren 14a), eskuragarri egongo da Zinemaldiak Kursaalen dauen informazino gunean (zabalik 16tik 21era 09:00etatik 20:00etara eta 22tik 30era 09:00etatik 20:00etara eta 22tik 30era 08:30etik 22:00etara).

Sarreren salmenta orokorra domekan –hilaren 15ean– goizeko 09:00etan hasi da. Egun horretan Zinemaldiaren lehen hiru egunetarako sarrerak erosi ahalko dira (bvarikua 20, zapatua 21 eta domekea 22); astelehenean, hilaren 16an, bestalde astelehenerako (hilaren 23rako), martitzenerako (hilaren 24rako) eta eguaztenerako (hilaren 25a) sarrerak erosi ahalko dira, aurreko jardunaldietarako eskuragarri geratzen diran sarrerez gan; eta, azkenik, hilaren 17an (martitzenean) jarriko dira salgai, eguenerako, barikurako eta zapaturako (hilaren 26a, 27a eta 28a) sarrerak, baita gainerako saioetarakoak be.

Donostia Zinemaldiak 72. edizinoko lehenengo hiru egunetarako 31.470 sarrera saldu ditu % 8,32a gehiago igazko datuagaz konparauta.

Gehiago saldu diran saioak film honeetakoak izan dira: Los destellos / The Glimmers eta Soy Nevenka / I Am Nevenka Sail Ofizialean; Ainda estou aqui / I’m Still Here eta All We Imagine As Light Perlak sailean;  La guitarra flamenca de Yerai Cortés eta Stars and the Moon New Directors sailean, eta Cuando las nubes esconden las sombras / When Clouds Hide the Shadow eta Querido Trópico / Beloved Tropic Horizontes Latinos sailean. 

Jose Luis Rebordinos Donostia Zinemaldiko zuzendariak zehaztu dauenez, oso kopuru handia da, etorkizunean gainditzeko eta horri eusteko gatxa baita. Online salmentan nabarmentzeko moduko gorabeherarik egon ez dalako be pozik agertu da.