Bilbaokirolakek Junior Kategoriako 2024ko Erruberadun-lerroko Hockey Txapelketan lagunduko dau

| Ikusi handiago | Argazki originala

Itxaso Erroteta Bilboko Udaleko Gazteria eta Kirol Saileko zinegotziak lehiaketa honen aurkezpenean parte hartu dau, Bilbo Erruberadun-lerroko Hockeyaren uriburu bihurtuko baita hiru egunetan.

Sartzea doban izango da eta, Metropolitano klubak, kirolaz gan, entretenimendurako programea be eskainiko deutse ikusleei. Txapelketea Zorrotzako udal kiroldegian egingo da, Europako erruberadun-lerroko hockey pista onenetako bat daukalako, 2007ko Munduko Txapelketan erabilia. Hockey-pabilioiak 400 jarleku inguru ditu eta ia 600 lagunentzako lekua, hockeyaren ikuskizunaz gozetako.

Multzoen fasea bagilaren 28an (barikua) hasiko da eta lehen jardunaldia 9:00etatik 14:00etara izango da; bigarren jardunaldia arratsaleko 16:30etik 21:30era eta hirugarrena eta azkena, bagilaren 29an (zapatua) izango da, 9:00etatik 14:00etara. Zapatuan, 16:00etatik 21:30era, finalerdietako partiduen txandea izango da eta domekan, bagilaren 30ean, 9:00etatik 14:30era finalak.

Ondokoak dira txapelketearen amaierako fase honetarako sailkatutako klubak: Bilboko Metropolitano Patinaje Kluba, CHL Aranda de Duero, CPL Valladolid, CHL Las Rozas, HC Castellón, Rubí Cent Patins, SAB Tucans ASME eta CPH Skulls Almàssera.