San Antonio (errepetizino domekea)

Bizkaiko Foru Aldundiak dobako autobus-zerbitzua eskainiko dau Urkiolako San Antonio eguneko ohiko igoerarako eta azokarako

Sei autobus jarriko ditue bagilaren 13rako eta beste hiru 16rako.

Durangotik eta Abadiñotik urtengo dabe eta helburua da ingurune babestu horretan ibilgailu partikularren presentzia murriztea.

Ingurune Naturala eta Nekazaritza Sustatzeko Sailak autobus-zerbitzua jarriko dau zirkulazino-arazoak ebitetako parke naturalerako bidean, garraio publikoa erabilita ibilgailu partikular gitxiago ibilten baitira ingurune babestu horretan egun hori lako data garrantzitsuetan.

Durangotik urten eta Durangora bueltauko dan zerbitzua 10:00etatik 19:00etara emongo da, eten barik. Abadiñoko autobusak, barriz, 9:00etan, 10:00etan eta 11:00etan urtengo dabe Zelaieta-Txanportatik eta Traña-Matienatik pasauko da. Bueltako bidaia 17:00etan eta 18:00etan egingo dau.