Deustuk 27. aldiz irabazi dau, egoereari etekina ataraten jakin dauen estropadan

| Ikusi handiago | Argazki originala

Deustuko ontziak gauza asko zituan bere alde joan dan barikuan eta aprobetxau egin zituan. Arraun egiteko kalea aukeratu eban, rteera ona egin zuen eta ordura arte oso parekatua izaten ebilen estropada baten erdian Injineruen ezustea erabili eban. Deustu gehiegi hurreratu jakon aurkariari, eta horrek 3 segundoko zigorra ekarri eutson baina Injineruen ontziak trabada txiki bat izan eban, eta deustotarrek brankea hartu eben, lehenengo eta behin unibersidade-proba honen ibilbideko 4 itsas miliak osotuz.

Erandioko urteerea aurreikusitako ordua baino zazpi minutu beranduago hasi zan, Guardia Zibilaren ontziaren presentzia ikusita. Uribitarteko kaian batutako zaleek lehen aldiz ikusi ahal izan eben urteerea, pantaila baten bidez. Han egozan guztiek emozinoz bizi izan eben Itsasadarreko uretan jazoten zan guztia, eta, ondorioz, arraunlari guztiak erabili zituen. Deustuk 24 minutu eta 59 segundo behar izan zituan, eta horreei 3 penalizazino-puntuak gehitu behar izan eutsezan, marka duina, kontuan hartuta edizino guztietako estropadarik laburrenean 22 minutu eta 14 segundo erabili zituela 2016an.

PRIDEk, Injineruak-Deusto Estropadearen Klub Sustatzaileak, eskerrak emon deutsee ekitaldira hurreratu diran guztiei, babesleei, batez be Bilbao Bizkaia Ur Partzuergoari (horreek barik ezin izango litzateke lehiaketa hau egin), Patricia Ariasi eta Fernando Cayuelari, Bilboko Injinerutza Eskoleari eta Deustuko Unibersidadeari, Bilboko historiaren parte dan estropada honi baldintza barik laguntzeagaitik.