'O corno / The Rye Horn' filmak irabazi dau Urrezko Maskorra

Bizkaie! 2023-10-02 07:50   Zinemea

Jaione Camborda zuzendari donostiarraren O corno / The Rye Horn filmak (Espainia-Portugal-Belgika) irabazi dau Urrezko Maskorra Donostia Zinemaldiaren 71. edizinoan. Gainera, epaimahai ofizialak erabagi dau zuzendari onenaren Zidarrezko Maskorra Tzu-Hui Peng eta Ping-Wen Wang zuzendariei emotea, Chun xing / A Journey in Spring (Taiwan) filmagatik, eta gidoi onenaren saria, barriz, María Alchéri eta Benjamín Naishtati emotea, Puan filmagaitik (Argentina-Italia-Alemania-Brasil) –biek zuzendu dabe film luzea–.

Interpretazino Nagusi Onenaren Zidarrezko Maskorra ex aequo jaso dabe Marcelo Subiottok eta Tatsuya Fujik; lehenak Alchéren eta Naishtaten Puan filman jokatu dauen rolagaitik eta bigarrenak, barriz, Kei Chika-uraren Great Absence filman egindako lanagaitik. Taldeko Interpretazino Onenaren Zidarrezko Maskorra, ostera, Hovik Keuchkerianentzat izan da, Isabel Coixeten Un amor (Espainia) filman egindako lanagaitik. Isabella Eklöfek zuzendutako Kalak filmak (Danimarka-Suedia-Norvegia-Finlandia-Groenlandia-Herbehereak) argazki onenaren saria jaso dau (Nadim Carlsenentzat izan da), bai eta Epaimahaiaren Sari Berezia be; kontuan izan, ezelan ere ezagutzen ez genduan mundu batean sartzen gaitu. Antzezpenak harrigarriak eta enpatikoak dira, eta herrialdea eta haren gatazkak eta ezkututako edertasuna erakusten ditu egiazko zinema-artearen bidez.

Laugarren urtez jarraian, Urrezko Maskorra emakume batek irabazi du. Aurretik, ondokoek irabazi ditue: Dasatskisi / Beginning (Dea Kulumbegashvili, 2020), Crai nou / Blue Moon (Alina Grigore, 2021) eta Los reyes del mundo / The Kings of the World (Laura Mora, 2022). Gainera, O Corno Ikusmira Barriak programatik datorren eta Sail Ofizialeko saririk garrantzitsuena irabazi dauen lehen filma da. Ikusmira Barriak Donostia Zinemaldiak, Tabakalerak eta Elías Querejeta Zine Eskoleak atontzen dabe alkarregaz.

Palmaresean, film luzearen debut bat dago (Chun xing / A Journey in Spring), bai eta hiru bigarren film be (O corno, Great Absence eta Kalak).

Sari horreek emon dituan epaimahai ofizialaren buru Claire Denis zinemagilea izan da eta honako honeek izan dira gainerako epaimahaikideak: Fan Bingbing aktorea, Cristina Gallego ekoizlea, Brigitte Lacombe argazkilaria, Robert Lantos ekoizlea, Vicky Luengo aktorea eta Christian Petzold zuzendaria.

Galearen ondoren, Dance First James Marshen film barriaren (Erresuma Batua-Hungaria-Belgika) mundu mailako estreinaldia egin da. Gabriel Byrne, Sandrine Bonnaire, Aidan Guillen, Fionn O'Sheare eta Leonie Lojkinegaz batera etorri da Donostiara.

Kursaal Jauregian izan da Donostia Zinemaldiaren 71. edizinoko klausura-galea, eta beste zenbait sari ofizial be emon ditue:

Bahadur The Brave Diwa Shah zinemagilearen lehen filmak (India) Kutxabank-New Directors saria irabazi dau, eta El castillo Martín Benchimolen lehen bakarkako film luzeak (Argentina-Frantzia-Espainia), barriz, Horizontes saria. Azken hori Berlingo Panorama sailean estreinau eben, 2022an, Donostian, WIP Latam Industria Saria eta WIP Latam onenarentzako EGEDA Platino Industria Saria jaso ondoren. Zabaltegi - Tabakalera saria Eduardo Williamsen El auge del humano 3 / The Human Surge 3 filmak eroan dau (Argentina-Portugal-Herbehereak-Frantzia-Brasil- Hong Kong-Perú) eta Ulises de la Ordenen El juicio / The Trial (Argentina-Norvegia-Frantzia-Italia) filmak aitamen berezia jaso du.

Nest The Mediapro Studio saria California Institute of the Arts School of Film/Videoko Nehal Vyasen Amma ki katha film laburrak (India) irabazi dau eta sail horretako aitamen berezia Institut de Arts de Diffusioneko Marie Falysek zuzendutako Entre les autres filmak irabazi dau.

Edizio honetan berreskuratutako Culinary Zinema Film Onenaren Saria Tran Anh Hungen La passion de Dodin Bouffant / The Pot au Feu filmarentzako (Frantzia) izan da eta Eusko Label sari barria, ostera, Mikel Urretabizkaiak jaso dau, lehena, Latxa filmagaitik. Bigarrena Paolo Tizónek jaso dau Soroborda filmagaitik (Espainia).

Gainera, Euskal Zinemaren Irizar saria El sueño de la sultana / Sultana's Dream (Sultanaren ametsa) filmak (Espainia-Alemania) irabazi dau, Isabel Herguera animazinoko filmen zuzendariaren lehen film luzeak. Bestalde, Fingernails Christos Nikouren bigarren filmak (AEB) –Sail Ofizialean lehiatu da hori ere– FIPRESCI saria irabazi dau.

Donostia Uria Publikoaren Saria, Perlak saileko ikusleek aukeratzen dabena, Veneziako zinema-jaialdia zarratu ebana J.A. Bayonaren La sociedad de la nieve / The Society of the Snow filmarentzako (Espainia) izan da eta Europako Film Onenaren Publikoaren Saria, aldiz, Io capitano / I'm Captain filmak eroan dau saria (Italia). Matteo Garronek zuzendari onenaren Zidarrezko Lehoia irabazi eban Veneziako zinema-jaialdian film horregaz eta Seydou Sarr-ek, aldiz, interprete gazte onenaren Marcello Mastroianni saria. Azkenik, New Directors saileko Javier Maciperen La estrella azul / The Blue Star filmak (Espainia-Argentina) gazteriaren TCM saria irabazi dau.

Ganerakoan, 71. edizinoaren agurrean, Donostia Zinemaldiak eskerrak emon deutsee akreditatutako 5.000 lagun baino gehiagori, bederatzi egun honeetan programautako 200 filmetatik gorako lantaldeei eta, batez be, 150.000 ikusleei, giza adimenak sortutako istorio, alkarrizketa eta topaketez gozau dabenei. Bat gatoz Donostia Saria jaso dauen Víctor Ericek esandakoagaz: zinema-aretoan besteak topetea, herritarren esperientzia partekatua bizitaea eta zinemearen esperientzia publikoa aldarrikatzea. Zinema-aretoetan alkar ikusten jarraituko dogu eta 2024an, irailaren 20tik 28ra, barriro be Donostia Zinemaldian.