Bihar, hilak 22, X. Bizkaia Torneoaren finala

| Ikusi handiago | Argazki originala

Abuztuaren 22an, Bizkaiko Foru Aldundiak Bizkaia Frontoian atondutako X. Bizkaia Torneoaren finala jokatuko da. Lau t’erdiko finala, Salaberria, Peña IIaren kontra izango da; binakakoa aldiz, Altuna III eta Martija, Artola eta Albisuren aurka; eta banakako finalari jagokonez, Elezkano II.ak eta Alberdi II.ak jokatuko dabe.

X. Bizkaia Torneoa bagilaren 16an hasi zan Mallabian eta Zierbenan. Taldeka jokatzen dan txapelketa bakarra izazteaz gan, hiru espezialidadetan jokatzen dan bakarra be bada; buruz buru, binaka eta lau t 'erdian. Gainera, taldeek Bizkaiko mendien izenak hartzen ditue lehiatzeko: Oiz, Anboto, Kolitza, Ganekogorta, Sollube eta Gorbeia, hain zuzen be.

Bizkaiko bost udalerritan jokatu da: Mallabian, Zierbenan, Abadiñon, Durangon eta Bilbon. Final-laurenetako kanporaketa biak, Mallabian eta Zierbenan bagilaren 16an jokatu ziran. Bagilaren 17an lehen finalerdia jokatu zan, Abadiñon, eta bigarrena hurrengo egunean, bagilaren 18an, Durangon. Finala Sollube taldeko pilotariek jokatuko dabe Anboto taldeko pelotarien kontra bihar, hilak 22, 18:30ean Bizkaia Frontoian.

Guztira, Bizkaia Torneoan 24 pelotarik hartu dabe parte; Binakako modalidadean hamabi; lau t’erdikoan sei; eta buruz burukoan beste sei.

Taldeak zozketa bidez osotu ziran:

 - Ganekogorta: Elordi eta Zabaleta bikoteka, Dario lau t 'erdian eta Egiguren V banakako modalidadean.

 - Oiz: Urrutikoetxea eta Imaz bikoteka, Artola lau t 'erdian eta Alberdi banakako modalidadean.

- Gorbeia: Larrazabal eta Mariezkurrena II bikoteka, Agirre lau t 'erdian eta Bakaikoa banaka modalidadean.

 - Sollube: Altuna III eta Martija bikoteka, Salaberria lau t 'erdian eta Victor banakako modalidadean.

 - Anboto: Laso eta Albisu bikoteka, Peña II lau t 'erdian eta Alberdi II banakako modalidadean.

 - Kolitza: Ezkurdia eta Rezusta bikoteka, P. Etxeberria lau t 'erdian eta Zabala banakako modalidadean.
 
Finalerako sarrerak Bizkaia Frontoiko leihatilan edo hemen dagoz salgai.