Aire zabaleko zinemea Olarizuko lorategi botanikora bueltauko da

| Ikusi handiago | Argazki originala

Aire zabaleko zinema Olarizuko lorategi botanikora bueltauko da abuztuaren 17, 18, 24 eta 25ean Al Margen del deterioro zinema-zikloa lorategian ekimeneko 4. edizinoagaz.

Haz, Laboratorio para el Movimiento Visualek eta CEAk atondutako zikloa da eta Amaia Zorrillak aukeratutako film luzeak eta laburrak eskaintzen dabe. Emanaldiak Olarizuko etxaldeko atarian eskainiko ditue.

Zikloa, dibulgazinoko, partaidetzako eta sormeneko ekintzen programean dau sartuta eta ondare fotofilmiko personala berreskuratea, ikertea eta berrerabiltea du helburu.

Hilak 17an emongo deutse hasierea, Komogoniaren proiekzinoagaz. Daneb Martosek zuzendutako sorkuntza bisuala, Iruñeako Planetariorako sortu zan bereziki. Hurrengo egunean, hilak 18, Das Lied von den zwei Pferden dokumentala izango da ikusgai. Lan horrek, Mongoliako herentzia kultura erakusten dau.

Abuztuaren 24an, eguenean, Asier Altuna zuzendari euskaldunaren Hondalea lana ikusteko aukerea izango da eta hurrengo egunean, barikuan hain zuzen, lorategi eta urmaelari omenaldia, film laburren proiekzino bategaz.

Ikus-entzunezko guztiak, 21:30an hasiko dira eta sarrerak hemen dagoz salgai.