Emakumezkoen Larruzko Pelotako V. Bizkaia Paleta Txapelketako finala maiatzaren 5ean izango da

Bizkaie! 2023-05-04 13:20   Kirola

Finala: Irazustabarrena eta Gorostiaga Murillo eta Arrillagaren kontra.

Bizkaiko Foru Aldundiak atondutako Torneoko finala maiatzaren 5ean jokatuko da 19:00retan Bizkaia Frontoian eta hirugarren eta laugarren posturako partidua, barriz, Saezek eta Erasunek jokatuko dabe Zugaza eta Zulaikaren kontra.

Apirilaren 14an jokatu zan lehen jardunaldia; egun horretan Irazustabarrenak eta Gorostiagak irabazi eben Saez eta Erasunen kontra jokatutako partiduan. Jardunaldi berean, Murillo eta Arrillagak Galdós eta Zulaikaren kontrako partidea irabazi eben.

Apirilaren 21ean, bigarren jardunaldian, Galdósek eta Zulaikak irabazi eben Saéz eta Erasunen kontra. Era berean, Murillok eta Arrillagak Irazustabarrenari eta Gorostiagari irabazi eutsen Bizkaia Frontoian.

Apirilaren 28an, hirugarren jardunaldia jokatu zan eta Murillok eta Arrillagak Saezi eta Erasuni irabazi eutsen eta, aldi berean, Irazustabarrenak eta Gorastiagak irabazi eben Galdós eta Zulaikaren kontra.

Kontuak kontu, maiatzaren 5ean, 19:00retan, Bizkaia Frontoian hirugarren eta laugarren posturako partidua Saez eta Erasunek jokatuko dabe Zugaza (Galdósen ordez) eta Zulaikaren kontra. Ondoren, finala jokatuko da.

Finalera joateko sarrerak Bizkaia Frontoiko txarteldegian erosi daitekez eta 3 euroan. Edozelan be, Emakumezkoen Larruzko Pelotako V. Bizkaia Paleta Txapelketea ETB 1en ikusi ahal izango da maiatzaren 6an.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu