Alexis de Favitskiren 'Les Etrusques, une civilisation mysterieuse de la Mediterranee' filmak irabazi dau

| Ikusi handiago | Argazki originala

Zemendiaren 14tik 19era egindako XXII. Bidasoako Nazinoarteko Zinemaldi Arkeologikoaren irabazleen zerrendea ondokoa da:

Zinemaldiko Sari Nagusia

Les Etrusques, une civilisation mysterieuse de la Mediterranee , Alexis de Favitski

Zientzia dibulgazinoaren Arkeolan Saria

L´appia a minturnae. Il Videodiario di Scavo, Gianmatteo Matullo

Publikoaren Sari Berezia

El sueño de la vida eterna, Javier Trueba

Hezkuntza Saila Saria

The Antikytera cosmos, Martín Freeth

Aitamen Berezia

Arte paleolitio argitara, Alaitz Ochoa de Eribe

Era berean, Ark-Mo: Herri bat, hamaika estrategia film laburra, Berako Toki Ona institutuko 1º Batxilergo mailako ikasleek egindakoa be nabarmendu dau epaimahaiak.

Aizpea Goenaga XXII. FICABeko zuzendariak adierazo dauenez, Tutankamonen hilobia topau ebeneko mendeurrenean, geuk be nahi dogu, beste urte batez, Zinemaldia ospatu; aurkikuntza handien barri izan eta, zinemearen bidez, arkeologiaren gaineko begirada barriez gozau, irudi izugarrien bidez jakintza guztia helarazoten deuskuen adituen eskutik, holan historia testuinguruan kokatzen laguntzen deuskuelako.

Aurten, gure helburua eragin handiagoa izatea eta zinema-aretoetara eta online proiekzinoetara askoz be jente gehiago erakartea da. Baditugu urtero-urtero Zinemaldian interes handia jarten daben ikus-entzule leialak, baina, gainera, Zinemaldiaren inguruan atondutako proiekzino, barriketaldi, mahai-inguru, lankidetza proiektu eta ospakizun guztiak ahotik ahora, sareen bidez eta, jakina, komunikabideen bitartez zabaltzea da gure asmoa.