Getxo Surfaren Herrien Sarean sartu da

Janire Gonzalez Etxabarri, Europako Junior Txapelduna. | Ikusi handiago | Argazki originala

Getxok eta Galiziako Carballo, Ferrol eta Valdoviño, Castrillón (Asturias) eta Ribamontán al Mar (Kantabria) udalerriek Surf Herrien Sarea sortuko dabe, Industria, Merkataritza eta Konsumo Ministerioaren Espainiako Turismo Esperientziak programearen barruan, Next Generation Europako funtsetako 500.000 euroko dirulaguntzeari esker. Sarea esperientzia barria da estadu mailan eta alkarlanerako tresna surfeko turismoaren kudeaketa jasangarria modu integralean egiteko, ingurune naturala konserbetan lagunduko dauena, olatuen eta kostaldearen babesa eta horreen erregulazinoa sustatuz eta kultur ondarearen sustapena, sareko udalerri bakotxaren gastronomia eta historia nabarmenduz.

Getxoko Udalak 66.620 euroko laguntzea jasoko dau proiektu horregaz lotutako ekintzak jorratzeko, itsasoko eta lerradurako industrien aldeko, udalerriaren garapen ekonomikoko arlo estrategikoagaz bat eginez.

Surfaren Herrien Sarea

Proiektuari esker produktu turistikoak sortuko dira jarduera iraunkor tematizatuei lotuak (surfa eta ondare kulturala; surfa eta aisia familian eta surfa eta gastronomia), lurralde bakotxean turismo jarduerak urte osoan zabalduz. Gainera, honako honeek proponiduko ditu: Marka propioko irudi bat sortzea; Surfaren Herrien webgune korporatiboa eta sare sozialetako profilak martxan jartea; dibulgazino eta sensibilizazino-kanpainak egitea sareen bidez eta komunikabideetan sustatzea; surfari lotutako turismo-sektorearen lehiakortasuna hobetzeko online prestakuntzea zehaztea eta gauzatzea, energia errespetau eta digitalizazinoaren bideari eutsiz; eta negozio edo zerbitzu-lerroak martxan jarteko aholkularitza-jardunaldiak diseinau eta gauzatzea.

Surf eskolak, surf camp-ak, surf shop-ak, shaper-ak (surf-taulen artisau-fabrikatzaileak), materialez horniduten dituen enpresak, ostatua emoten dituenak zein jatetxe-enpresak, kirol-ekitaldiak atontzen dituen enpresak eta horrekaz zerikusia daben beste turismo-operadore batzuk balieuko dira proiektuaz, proponidutako ekintzetan zuzenean parte hartuz eta surf-turismoaren garapen iraunkorraren zeharkako onuradun legez. Ez da baztertzen alkartutako erakundeen kopurua handitzea eta, beraz, sare hori handitzea, gaur egun Espainian surf helmuga lez benetako erreferenteak diran herriak badagozalako egon.