'Gosurf' saritu dabe Bizkaiko Itsasoko Idea eta Deslizamenduaren I. Lehiaketan

Ane Capdevilla | Ikusi handiago | Argazki originala

Ane Capdevilla getxotarra buru dauen Gosurf proiektuak hirugarren saria irabazi dau Bizkaiko Itsasoko Idea eta Deslizamenduaren I. Lehiaketan, Orekan Sakonduz-BEAZ Itsasoko eta Lerrokadurako lan-taldeak atonduta Deustuko, Mondragon Unibersidadeko eta EHUko unibersidadeakaz lankidetzan, Getxoko Udaleko garapen ekonomikoko agentzien, ADR Jata-Ondo, Bermeoaldeko Behargintza, Uribe Kostako Behargintza eta Santurtziko Udalaren babesari esker, baita Sopelako eta Plentziako udalen lankidetzea be. Lehenengo saria Surfins proiektuak irabazi dau eta bigarrena Slide Week ekimenak.

Lehiaketearen helburua ideak sustatzea zan surfaren, belearen, nautikearen, skatearen eta irristatzeko beste kirol batzuen industrietako osogarriak hobetzeko, produkzino-prozesuak, produktuak eta zerbitzuak.

Unibersidade horreetako 3., 4. eta Masterreko ikasleek hartu dabe parte, honako adar honeetan: Injinirutza Mekanikoa, Jarduera Fisikoaren eta Kirolaren Zientziak, Informatika Injinerutzea, Ekoteknologia, Enpresen Administrazino eta Zuzendaritzea edo Fabrikazino Adiktiboko Masterra.

Saritutako proiektuak

Hiru proiektu sarituak, iraunkortasun izakera nabarmena dabenak, honako honeek izan dira:

1.- Surfins. Bizkaiko hondartzetan birziklautako materialez egindako surf gilak. Kostaldeak dituan ingurumen-arazoak eta neurri zuzentzaileak erakusten dituen QR kodeak ditue integratuta. 1.000€ jasoko ditu eta proiekturako tutoretzea eta aholkularitzea, Bizkaiko Itsasoaren eta Lerroen Sektoreko enpresen eskutik.

2.- Slide Week. Surfaren munduko ekitaldia Bizkaian. Bertan, hiru egunez, Erosi, saldu, praktikau eta ikasi goiburuan oinarritutako jardunaldia eskainiko jako publikoari, materiala salerosteko aplikazino bat aurkeztuz. 1.000€ jasoko ditu.

3.- Gosurf. Biltegiratzeko osogarri barritzailea, pisua eta erosotasuna erabat lehentasunekoak diran itsas-kiroletarako. Ilargi erdiaren formako neopreno-patroi bi dira eta lau konpartimentu irazgatx sortzen ditue taula baten muturrean. 1.000€ jasoko ditu.

Balorazinoan, aurkezpenaz eta azalpen-argitasunaz gan, honako honeek hartu dira kontuan: idearen barrikuntza-mailea, sektoreari eta erabiltzaileei egindako ekarpena, praktikotasuna, ingurumen-aztarnea eta 2030 Agendaren garapen jasangarrirako helburuakaz dauen lerrokatzea.