'Anwar' filmaren estreinaldia Trentoko 70. Zinema Festibalean izango da

| Ikusi handiago | Argazki originala

Trentoko 70. Zinema Festibalean estreinauko dabe Anwar film dokumentala, Rosa García Loire-k zuzendu eta EKI Fundazinoaren babesari esker 601 Produkzinoak etxeak produzidutako mendizaletasunaren, alkartasunaren eta energia barriztagarrien istorioa da, Alex Txikon mendizale bizkaitarra protagonista dauena.

Mundu osoan ezaguna dan Alex Txikon mendizalea, Manaslun ibili zan igaz, kutsadurarik bako lehenengo espedizinoan, eguzki panelak erabili zituana. Sistema jasangarri horregaz, Pariseko akordioa errespetau eben, lan solidario bati ekinez, EKI Fundazinoaren babesari esker. Alexek Fundazino horregaz Sierra Leonan egingo dauen lana ezagutuko dogu, han eguzki energiari esker, elektrizidadea emongo deutselako eta horri esker, eskolan eta medikuan argia izango dabelako; Txikonen proposamena oso berezia da eta Günter Mountain School, Diamerren haranean eta Pakistanen aurrera pausuak izango diralako, kultura bi alkartzea lortuko baita.

Txikonen eretxiz, lan bikainaren ondorioz jaiotako proiektua da. Pandemia baten erdian filmaketa lanak egitea oso gatxa izan da baina balio humanitarioak eta sozialak nabarmenduko neukez.

Rosa García Loirek zuzendua eta idatzia eta produzidutakoa 601 Produkzinoak etxeak (La Navaja de Ockham, Ainarak) Anwar  80 minutuko iraupeneko filma da. Ignacio Maquirrian eta Raul de la Fuente (Goya sariak Minerita-rentzat film labur dokumental onena 2014an eta animazinoko film onena 2019an, Egun bat gehiago bizirik) erretratugintzearen zuzendariak dira. Natxo Leuza (EL Drogas-en zuzendaria eta produktorea) muntaketea egin dau. Doinuaren diseinua Miguel Hualderena da. Musika eta diseinu grafikoa, Audionetwork eta Welldoneren ardurea izan da. Ignacio Galíndez produkzino zuzendaria da eta Juan San Martín produktore ejekutiboa. Filma EKI Fundazinoaren babesari esker egin da.