Zabalik dago herrietan Laburbirea, film laburren zirkuitoa, atontzeko epea

| Ikusi handiago | Argazki originala

XIX. edizinoa beteko dau 2022an Laburbireak, euskeraz egindako film laburren zirkuituak. Aurten 19 lan aurkeztu dira eta horreetatik, 9 film hautatu ditue herriz herri ikusi daitezan. Aukeraketa prozesu hau lurraldetasuna, genero bardintasuna eta lanen mailea kontuan hartuz egin da, 80 minutuko film-labur bilduma ikusgarria osotuz eta ikusleei ahalik eta saio aberasgarriena eskaini asmoz.

Proiekzinoak atontzeko eskaerak

Euskal zinemagintzearen erakusgarri aparta da Laburbirea, 2021 urtean zehar produzidutako film-labur adierazgarrienak ezagutu eta eurekaz gozetako aukerea eskaintzen deutselako herritarrei. Laburbirea edozein herritan atondu daiteke: Alkarte eta udalen izen-emotea zabalik dago webgunean zezeilaren 11ra arte. Bertan aukeratu leikie zezeilaren 25etik martiaren 27ra bitartean zein egunetan eta non atondu gura daben proiekzinoa. Horrezaz gan, sortzaile eta ikusleen arteko hartu-emonak erraztu eta sendotzeko asmoz, zuzendariakaz barriketaldiak atontzeko aukerea be badago proiekzinoaren barruan.

9 film labur dituan bildumea

Danetariko lanak dagoz, eduki zein estiloz, horreetako asko zenbait zinema jaialditan saritutako lanak dira. Ikusi ahal izango diran filmen inguruko informazino gehiago hemen.