Zinetika-k 23 film programauko ditu Donostian, Bilbon eta Iruñean

| Ikusi handiago | Argazki originala

Zinetika Jaialdiak 23 filmeko programazino zinematografikoa izango dau bere VI. edizinoan, hiru ataletan banatuta: Hautaketa Ofiziala, Open Screen eta Zinetiks. Gainera, Nafarroako Gobernuko Kultura Zuzendaritza Nagusiak bultzatutako DNA programearen jarduerea batzen dauen dokumentala be programauko da.

Konfinamendua, errutinea, bideo-olgetak, geometria, bereizkeria, denoorearen iragaitea, arkitekturea, poesia-ekintzea, topaketea, esperimentazinoa lako gaiak jorratzen dituen obrak dira, hainbat herrialdetakoak, besteak beste: Argentina, AEB, Frantzia, Ekuador, Brasil, Errusia, Britainia Handia, Herbehereak, Australia eta Espainia.

Kontuak kontu, Teresa Morales, Sofía Alforja eta Lorand Janos izango dira epaimahaikide.

Zinema-eskaintza horrezaz gan, Zinetika Jaialdiak performance, masterclass, instalazino edo lantegiak be batuko ditu programara.

Jantzearen, ikus-entzunezko hizkuntzearen, gorputzaren eta teknologiaren arteko hartu-emonak jorratzen dituan diziplina anitzeko urteroko hitzordua, hainbat esperientzia artistiko zabalduz.

VI. Zinetika urriaren 22tik 31ra egingo da Iruñean (Baluarte), Donostian (Kutxa Kultur-Tabakalera, Trueba zinemak) eta Bilbon (BilbaoArte).

Azken buruan, Zinetika arte-trukerako plataformea da, nazinoartean hainbat diziplinatako erakunde eta artisten arteko loturak ezartzeko aukerea emoten dauena, kultura-trukea aberastuz. Gainera, egoitzak hartzen dituen hiru uriak senidetzeko eta hiru probintzien arteko kultura-loturak indartzeko lan egiten dau jaialdiak.