Maialen Chourraut zoriondu dau Bingen Zupiriak Tokion irabazitako zidarrezko domineagaitik

Bizkaie! 2021-07-30 08:09   Kirola

Etxera bueltan Donostian eskaini dau bere lehenengo prentsaurrekoa Maialen Chourrautek Kultura eta Hizkuntza Politikako sailburu Bingen Zupiriagaz batera. Agerraldian Basque Team-eko koordinatzaile Olatz Legarzak eta Xabier Etxaniz Maialen Chourrauten entrenatzaileak be parte hartu dabe.

Lasarteko palisteak eta Basque Teameko bekadunak, martitzenean zidarrezko dominea irabazi eban Tokioko Joko Olinpikoetako eslalon piraguismoko K1 finalean. Aurretik Londresen brontzezko dominea eta Rion urrezkoa irabazitakoa da Chourraut.

Pozik eta eskertuta agertu da komunikabideen aurrean Basque Teameko piraguistea eta etxekoakaz ospatu eta gozetako gogoa dauela azpimarratu dau.

Bestalde, Eusko Jaurlaritzako Kultura eta Hizkuntza Politikako sailburu Bingen Zupiriak Lasarteko piraguistearen lana zoriondu eta aurreratu dauenez, Usurbilen, Oria ibaian, Orbeldi urtegiaren inguruan, ur bizien kanala egiteko proiektua mahai gainean dauka Eusko Jaurlaritzeak.

Euskadiko eta Gipuzkoako piraguismoko federazinoek bultzatu eta Gipuzkoako Foru Aldundiak eta Eusko Jaurlaritzeak babestuko daben proiektua da. Lanak 2022. urte hasieran hasiko dira eta 2023an amaitzea aurreikusten da. Zupiriak aurreratu dauenez, kanalari Maialen Chourraut-en izena jartea proponiduko deutse Jaurlaritzeak gainontzeko erakundeei Chourraut maila handiko kirolaria da, mitoa be bada dagoeneko eta uste dogu benetan izen aproposa dala ur bizien kanalerako.

Ikusi argazki guztiak handiago