Mohammad Rasulofen 'There Is No Evil' filmak irabazi dau Berlinale

Mohammad Rasoulof zuzendariaren 'There Is No Evil' filmako lantaldea. Argazkia: EFE | Ikusi handiago | Argazki originala

70. Berlinaleko izar nagusia izan da Mohammad Rasoulof zuzendaria, There Is No Evil filmari esker. Sariak emoteko ekitaldian, barriz, ez zan egon Teheraneko gobernuak galarazo egin eutsolako. Kontuak kontu, heriotza zigorrari buruzkoa da film saritua, haren kontrako manifestutzat be hartu dabe askok.

Sari Nagusia-Zilarrezko Hartza: Eliza Hittmanen Never Rarely Sometimes Always filmak irabazi dau, abortuaren gaia jorratzen dauen filmak; AEBetako zinema independenteari emondako saritzat hartu dabe askok Hittmani emondako saria.

Zuzendari onenaren Zidarrezko Hartza Hong Sangsoo korearrarentzat izan da, The Woman Who Ran filmari esker. Zinemagilearen hogeita laugarren pelikulea da.

Paula Beerek irabazi dau emakume aktore onenaren Zidarrezko Hartza, Undine filman egindako lanagaitik.

Gizonezko antzezle onenaren Zidarrezko Hartza, barriz, Elio Germanorentzat izan da, Volevo nascondermi pelikuleari esker.

Film labur onenaren Urrezko Hartza Keisha Rae Witherspoonen T lanari emon eutsien; eta zidarrezkoa, barriz, Rafael Manuelen Filipiñana-ri.

Azken buruan, Dokumental onenaren saria Rithy Panhn kanbodiarraren Irradiés-ek eroan dau, genozidioen osteko oinazea aztergai dauena. Aitagarria lana Sail Ofizialeko lehian emon ebela, zerrendan egoan dokumental bakarra izanik.