Nazinoarteko 10 estreinaldi aurten BBK Mendi Film Bilbao-Bizkaia zinemaldian

Bizkaie! 2019-12-02 13:28   Zinemea

56 filmek osotuko dabe BBK Mendi Film Bilbao-Bizkaiaren Sail Ofiziala eta Ostatnia Góra (The Last Mountain) filmak zabalduko dau hasiera ekitaldia, abenduaren 6an, pelikulako lan taldeagaz, Krzysztof Wielicki alpinista eta Dariusz Zaluski zuzendaria buru.

Gaur Bilboko Sala BBK-n egindako ekitaldian, babesle nagusiek eta Mendi Filmeko ordezkariek aurkeztu dabe, euren arteko lankidetza hitzarmenen bidetik aro barrian sartu dan XII. edizinoa: Eduardo Martínez (Mendifilm Presidentea): Lorea Bilbao (Bizkaiko Foru Aldundiko Euskera eta Kultura Diputadua); Javier Garcinuño (Bilbao Ekintza Zuzendaria); Aitziber Atorrasagasti (Kultura Sustatzeko Zuzendaria Eusko Jaurlaritzan); Gorka Martínez (BBK Zuzendari Nagusia); eta Jabier Baraiazarra (Mendifilm Zuzendaria).

2008an sortu zan Mendi Film Festival, lehen lau edizinoak Gasteizen egin ziran, eta 2012tik Bilbon. Igaz 12.008 lagun hurreratu ziran.

Mendiko zinemaren mundu mailako erreferente da Mendi Film. Mendiko Zinemea sustatzeko Nazinoarteko Alkargoko (IAMF-ko) kide da, eta Mendifilmeko zuzendari Jabier Baraiazarra da haren presidentea.

Sail Ofiziala

Mendia, abenturea, muturreko kirolak eta natura gaiak jorratzen dituen 60 film ikusi ahal izango dira aurten: 56 film Sail Ofizialean, 3 film Zabalandi atal barrian eta Mendi Short film labur amateurren lehiaketako irabazlea izan dana.

Danetara, 172 aurkeztu dira aurten 29 herrialde ordezkatuz, inoiz izan dan kopururik handiena. Galbahe lana gogorra baina gozagarria izan da, eta hor sortu da Sail Ofizialeko hautaketea.

Maila handiko filmak proiektauko dira Euskalduna Jauregian, Sala BBK-n eta Golem Alondiga zinema-aretoetan 10 egunez, egungo mendi zinemagintzarik onena.

Hainbat mailatako estreinaldiak izango dira Bilbon: 10 Nazinoartekoak, 3 Europa mailakoak, 26 Espainia mailakoak eta 15 Euskadi mailako estreinaldiak.

Euskal lanak 9 dira Sail Ofizialean:

Artiko | Zuz: Josu Venero eta Jesu Mari Lazkano.

Burdinura | Zuz: Santi Yañiz eta Anton Lazkano.

Chhaupadi | Zuz: Jaime Murciego eta Pablo Iraburu.

Cholitas | Zuz: Migueltxo Molina.

Circle of the Sun | Zuz: Iñigo Grasset eta Lena Stoffel.

Elur Goritan | Zuz: Jon Goikoetxea eta Iñigo Larrañaga.

Harria Herria | Zuz: Dimegaz Kultur Elkartea.

Natura Bizia | Zuz: Lexeia Larrañaga de Val.

Vergüenza | Zuz: Iker Elorrieta eta Garazi Sanchez.

Ostatnia Góra (The Last Mountain) filmak zabalduko du Sail Ofiziala, abenduaren 6an, Euskalduna Jauregiko Auditorio Nagusian. Poloniarren 2018ko neguko K2-ko saiakerea kontetan dauen filma ederra da, eta Krzysztof Wielecki protagonista eta Dariusz Zaluski zuzendaria eszenarioan izango dira aurkezteko.

Zuzendari eta izar handiak

Mendi zinemagintzako zuzendari entzutetsuak dagoz Sail Ofizialeko filmen izendegian, besteak beste, Paul Diffley, Peter Mortimer eta Josh Lowell, Alastair Lee, Pablo Iraburu, Jen Randall, Alison McAlpine, Krystle Wright, Ben Page, Anthony Bonello, Mike Douglas, Vladimir Cellier, Ben Masters, Ben Sturgulewski, Gerald Salmina, Santi Yañiz...

Eta mendi munduko izarrak: Krzysztof Wielicki, Jerzy Kukuczka, Hans Kammerlander, Edmund Hillary, Jim Whittaker, Edurne Pasaban, Iñaki Ochoa de Olza, Horia Colibasanu, Cholitas eskalatzaile boliviarrak, Matthias Giraud, Aaron Durogati, Marie France Roy, Ignacio Mulero...


Epaimahaia

Mirella Tenderini (ITA, idazlea).

Rosana Stedille (ITA, Trento Film Festivaleko kidea).

Irene Larraza (EH, Etxepare Euskal Institutuko zuzendaria).

Keith Partridge (UK, zinegilea eta IAMF 2019 sariduna).

Gaizka Bourgeaud (EH, kamerari eta argazki zuzendaria zineman).

Zabalandi

Sail Ofizialean aurkeztuko diran 56 filmez gan, beste 3 film proiektauko dira lehiaz kanpo, Zabalandi atalean:

Jurek | Zuz: Pawel Wysoczanski [Mendiko Film Onena Mendifilm’15].

La Voz de Iñaki | Zuz: Pablo Iraburu [Arena Comunicación, 2009].

Eskalada Jasangarria Gipuzkoan | Zuz: Tetxus Barandiaran [Nazioarteko estreinaldia]

WOP Saria: Nives Meroi eta Romano Benet

Nives Meroi eta Romano Benet alpinistak izango dira 12. edizioko omendu nagusiak, WOP-The Walk On Project Saria jasoz.

Hamalau zortzimilakoak oxigeno barik eta altura zamaketari barik osotu dituan bikotea da.

Sarrerak

XII Mendi Filmeko saio guztietarako sarrerak salgai dagoz jaialdiko webgunean: www.mendifilmfestival.com Banan banako sarreren eskaintzea zemendiaren 22an aktibau eben, eta saio egunean bertan erostea baino % 25 merkeagoa da aurretiaz eskuratzea.

Aurten, Sarrera Pack-ak eskaini dira bagiletik zemendira eta banakako sarrerak eskuratzeagaz konparauta beherapen nabarmena ebeno.

BBK 29. Pagasarri Ibilaldia

Abenduaren 15ean, domekan, Pagasarri Ibilaldiaren 29. ekitaldia beteko da Bilbon, BBK-ren eskutik, eta Mendi Filmek bat egiten dau haren inguruan antolatutako egitaraua alkarbanatuz.