Euskerazko zinemea, Bilboko ikastetxeetan

Bizkaie! 2018-10-25 08:02 Zinemea

16 film proiektauko ditue Lehen eta Bigarren Hezkuntzako ikastetxeetan.

'Handia' dago Zinema Euskeraz-eko programazinoan | Ikusi handiago | Argazki originala

Tinko Euskera Alkartearen eta Irudi Biziak Alkartearen ekimenez, Zinema Euskeraz programea martxan jarriko dau Bilboko Udalak. Izena emoten daben ikastetxeetako ikasleek pantaila handian ikusi ahal izango ditue euskerazko pelikula batzuk, Karmen eta Golem aretoetan egingo diran proiekzinoetan. Maiatzera bitartekoa da egitasmoa.

Udalak azaldu dauenez, euskerazko produkzinoa ume eta gazteei erakustetik haragoko helburua be badau egitasmo honek. Izan be, edade horreetan landu beharreko hainbat gai aitatzen dira aukeratu dituen pelikuletan: Bardintasuna, eskola inklusinoa, autoestimua, nerabeen eguneroko errealidadea sentimenduen aurrean, laguntasuna eta aldaketa klimatikoa, besteak beste.

Hortaz, balio positiboak lantzeko helburua be badau Zinema Euskeraz programeak. Pelikuletan ikasitakoa indartzeko, unidade didaktikoak erabiliko ditue ikastetxeetan. Film bakotxaren ostean, pertsonaien jarrerak eta istorioak aztertuko ditue, eta ikasleen eguneroko esperientziagaz alderatu.

Igazko ikasturtean, Bilboko 52 ikastetxetako 9.838 ikaslek hartu eben parte programan. Aurten, dagoeneko, 40 bat ikastetxek emon dabe izena. Aurtengo programazinoko 16 filmak zeintzuk izango diran erabagita dago:

Lehen Hezkuntzan (3-12 urte):

A zer nolako heroiak

Albert

Grufaloa

Harpetarra

Luis eta estralurtarrak

Maya erlea: Ezti jokoak

Oin Handiren semea

Sagu eta Pagu

Bigarren Hezkuntzan (12-16 urte):

Asterix eta Obelix

Handia