Euskeraz ikusi daitekezan filmak eskuragarri Zineuskadiri esker

| Ikusi handiago | Argazki originala

Zineuskadik, euskal ikus-entzunezko sektorea sustatuz eta indartuz, filmak euskeraz ikusi eta eskuratzeko aukerea eskaintzen dau, zinema produkzinoak zinema aretoetatik igaro ostean jarraipena emon eta bizia galdu ez deien. Eskuragarri dagoan katalogoko pelikulak DVD formatuan eskuratu daitekez orain ohiko banaketa kanalen bitartez, sarean dagozan zenbait plataforma eta dendetan, filmen eskubideak dituen banatzaileen lankidetzei esker.

Katalogo horretan, Zinema Euskeraz ataleko eta Filmazpiteko filmak dagoz. Zinema Euskaraz programeak herritarren eskura euskal balio zinematografikoak sustatuz eta euskerearen erabilerea komunikazino kultural lez erabiliz, aisialdi arloan normalizazinoa bultzatuko dauen film bildumea jartea dau helburu.

Bestalde, Filmazpit egitasmoa, Donostia Kulturak kudeatu eta Zineuskadik finantzautako euskerazko azpitituludun zinemea zabaltzeko programea da, Donostiako Zinemaldiaren eta Euskadiko Filmategiaren laguntzinoagaz.

Zineuskadiren katalogoan 30 film dagoz euskeraz bikoiztuta edo euskerazko azpitituluakaz: 22 Zinema Euskeraz atalekoak dira, eta ganerako zortziak,  Filmazpitekoak.

Generoari jagokonez, danetarikoak dagoz katalogoan: hiru abentura, lau komedia, bat bildurrezkoa, sei drama, hamar animazino eta sei dokumental. Zinema Euskeraz eta Filmazpit programetako arduradunek jakitera emon dabenez, euskeraz ikusi daitekezan filmen zerrendea handitzen joango da.

Film bakotxaren fitxa teknikoa eta sinopsia ikusteko klik egin hemen.