Aurtengo Aste Nagusiko sei kartel finalistak aukeratu ditue

Bizkaie! 2013-06-18 18:24

Festejando con agua... de Bilbao, Gure Marijaia (2013), Aste Nagusia... Lau Haizetara, Si la Jaia se viste de Bilbao, es... ¡De Cine!, Hasta en la Luna eta No te las pierdas izan dira aukeratutako finalistak 2013ko Aste Nagusiko Kartel Lehiaketan.

2013ko edizino honetan 240 lan aurkeztu dira. Aurten lanak leku desbardinetatik heldu dira, hau da, Araba, Gipuzkoa, Bartzelona, Madril, Valentzia, Pontevedra, Castelló, Sabadell, Torrelavega, Toledo eta Mexikotik. Jai Batzordeko ordezkari politiko Pilar Muerza eta Aitziber Ibaibarriaga; Bilboko Konparsetako kide bat; Jorge Ayo, Bilbao Centroko gerentea; Irene Díez, TeleBilbaoko kazetaria eta Joseba Etxeberria kirolaria izan dira epaimahaikideak; eta Itziar Urtasun Jai batzordeko presidentea eta Bilboko Udaleko Jaietako Zinegotzi Ordezkaria, barriz, epaimahaiburua.

Zelan emon botoa

Sei kartel finalistak Zabalguneko Eraikinean eta www.bilbao.net Bilboko Udaleko webgunean ikusgai izango dira hurrengo astelehenetik barikura arte (Bagilaren 24tik 28ra). Egun horreetan, herritarrek kartel irabazlearen hautaketan parte hartu ahal izango dabe Zabalgune Eraikinean botoa emonda, Bilboko Udaleko webgunearen bidez eta Aste Nagusiko Facebook orrialde ofizialean.


Komunikabide laguntzaileak

Komunikabide laguntzaileen bitartez be emon ahal izango da botoa. 13 komunikabidek hartuko dabe parte aurten: El Correo bere edizino digitalean, Deia bere edizino digitalean, Que! Nervion bere edizino digitalean, Radio Euskadi (Graffiti), Radio Bilbao-Cadena Ser (Hoy por Hoy Bilbao), Radio Nervión, Onda Cero, Onda Vasca, Radio Popular, Bizkaia Irratia, Telebilbao, Hamaika Telebista eta www.bilbao24horas.com webgunean.

Puntuazino sistemea

Botoa emoteko lau modu horreetako bakotxak % 25eko balioa izango dau -beraz, azken erabagiaren % 75 batuko dabe-, eta ganerako % 25 epaimahaiaren esku egongo da.

Kartel irabazleak 3.000 euroko saria jasoko dau.

Ikusi argazki guztiak handiago