2zio taldeak 'Pausuz pausu' diskoa zuzenean aurkeztuko dau Santurtziko La Kelo gaztetxean

2zio hirukoteak Pausuz pausu lehenengo diskoa zuzenean aurkeztuko dau zapatuan, hilak 26, Santurtziko La Kelo gaztetxean, Norte Apache taldeagaz batera. Gorka, Jo eta Odei Barrosok osotzen daben taldeak rapa euskeraz egiten dabe.

Donibane-Ziburuko gaztetzean grabau ditue diskoko hamahiru kantak, Iñaki Pla teknikariaren zuzendaritzapean. Salaketea eta aldarrikapena dira abestien ardatz nagusiak, euskal gatazkea eta gaur egungo krisi ekonomikoa, berbarako.

Gorka Algortakoa, Odei Urruñakoa eta Jo Ziburukoa izanik diskoa apurka-apurka, urtebete eta erdian, atondu dabe. Soinuari eta estiloarei garrantzi handia emon deutsie, baina hizkuntzea be, euskerea, berenberegi jagon dabe.

Pausuz pausu disko osorik entzun gura izan ezkero, hemen. Lanaren banaketea taldekideek eurek egingo dabe. Kontzertuetan be salgai egongo dira diskoak, 5 euroan.

Ikusi argazki guztiak handiago