Capsula taldeak David Bowieren kanten bersino propioa kaleratu dau

| Ikusi handiago | Argazki originala

Capsula taldeak Dreaming of the Rise and Fall of Ziggy Stardust and the Spiders from Mars (Gaztelupeko Hotsak) diskoa kaleratu dau, David Bowieren lanaren bersino propioa. AEBetako New Jerseyko Watermusic Studiosen grabau dabe, martian South by Southwest jaialdian hirugarren aldiz parte hartzeko egindako bidaia aprobetxauz.

Martin Guevarak (kantaria, gitarristea), Coni Duchessek (kantaria, baxu-jotzailea) eta Ignacio Villarejok (bateria-jotzailea) osotzen dabe Capsula taldea. Izar & Star musika-zikloa da diskoaren aurrekaria. Egitarau horretan, musika taldeek gustuko daben banden kanten bersinoak ekaintzen ditue zuzenean. Capsula hirukoteak David Bowie aukeratu eban. Kontzertu haren arrakastea ikusita beste zuzeneko batzuk emon zituen, eta halan, apurka-apurka diskoa atontzeko ideia gauzatzen joan ziran.

Hirukoteak hainbat kolaboratzaile konbidau zituan estudiora, zuzenekoan lagun izandako Gaizka Insunza eta Josu Urkidiz gan, Ager Insunza (Audience), Ivan Julian lagun zaharra (The Voidoids taldeko kide ohiak, The Naked Flame diskoa grabau eben Capsulagaz), Matt Verta-Ray (Heavy Trash, Speedball), Marta Ruiz eta Fernando Pardo (Sex Museum) eta Chris Cain (We Are Scientists).