'Oinak kantuz' jantzarako diskoa aurkeztu dau Aiko taldeak

Nagore Ferreira Zamalloa 2012-04-18 15:50   Musikea

Jantzan egiteko diskoa holantxe definidu dabe Aiko taldeko kideek Oinak kantuz (Elkar) disko barria. 19 abesti barri sortu ditue, danak estilo tradizionalean idatziak. Alvaro Garciak (gitarrea), Aitor Furundarenak (eskusoinua), Sabin Bikandik (txistua) eta Asier Garciak (danborra) taldekideek aurkeztu dabe diskoa Bilbon.

Jantzan egiteko diskoa holantxe definidu dabe Aiko taldeko kideek Oinak kantuz (Elkar) disko barria. 19 abesti barri sortu ditue, danak estilo tradizionalean idatziak. Alvaro Garciak (gitarrea), Aitor Furundarenak (eskusoinua), Sabin Bikandik (txistua) eta Asier Garciak (danborra) taldekideek aurkeztu dabe diskoa Bilbon.

Jantza tradizionalari ekarpena egin gura deutso Aiko taldeak, horregaitik Oinak kantuz diskoko 19 piezak estilo tradizionalean idatzi eta interpretau arren, pasodoblea, jotea, jauzia eta txotiekaz batera, boleroak, habanerak eta tangoan be topauko doguz. Tradizinoa oso garaikidea da guretzat. Jantza tradizionalen errepertorioa ugaldu gura dogu, esan dau Sabin Bikandik.

Jenteak jantzan egitea da diskoaren helburu nagusia, jenteak jantzan egitea nahi dogu, nabarmendu dau Aitor Furundarenak.

Oinak kantuz lanaren jentaurreko aurkezpena berezia izango da, plazarik plaza izan barik, mendiz mendi ibiliko gara, gure underground bokazinoagaz segiduteko, Bikandik esan dauenez. Urbian (maiatzak 13), Gorbeian (bagilak 3) eta Urkiolan (bagilak 17) aurkeztuko dabe diskoa, eta Durangon, Dantzazale Egunean be izango dira, bagilaren 23an.

Bost urte pasau dira Herri musika ta dantza kaleratu ebenetik, tarte honetan bestelako lanak argitaratu ditue, Kobreik! Bizkaiko gaita-dultzainari eskainitako lan monografikoa, Aurrez aurre Claude Iruretagoyenak zuzendutako Maritzuli konpainiaren izen bereko ikuskizunaren muysikea; Urraska liburu, CD eta DVDa, jauzi tradizional guztiak batzen dituan lana, Renoko Unibersidadeak argitaratua; Fasioren mendea liburu, CD eta DVDa, Bonifazio Arandia Fasio soinujotzailearen jaiotzearen mendeurrena ospatzeko kaleratua; eta, Bikaña, jantzaro musika barria jasoten dauen lana. Horrezaz gan, erromeria ibiltariak eta bestelako ikastaroak be antolatzen ditu Aikok.

Ikusi argazki guztiak handiago

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu