Lea Artibai eta Ipar Uribeko taldeek jokatuko dabe Bertsolari Gazteen BBK Sariketako finala

Bizkaie! 2011-04-07 10:56 Bertsolaritzea

Lea Artibaik eta Ipar Uribek jokatuko dabe Bertsolari Gazteen BBK Sariketako finala gaur zortzi, hilaren 14an, Bilboko Kafe Antzokian, arratsaldeko 19:00retan.

Markina-Xemeinen eta Durangon jokatutako finalerdietan, Lea Artibai eta Ipar Uribe sailkatu dira finalerako. Beraz aurten be, sariketa honen finalistak igazko berberak izango dira.

Gogoratu sariketa hau eskualdeka jokatzen dala eta 7 taldek hartu dabela parte: Enkarterri, Arratia, Durangaldea, Bilboaldea, Busturialdea, Ipar Uribe eta Lea Artibai.

Markinan egindako Lea-Artibai eta Bilboaldearen arteko lehia hurretik segiduten 180 bat ikasle sutsu izan ziran, pankarta eta guzti. Hona hemen hantau eben bertsolariak eta atara zituen puntuak:

	LEA ARTIBAI	BILBOALDEA
18 urtera arte	Josune Aramendi Aissa Intxausti Elene Lejarzegi	Olatz Ipiña Pello Molinuevo Txaber Ormazabal
19-24 urte bitarte	Nerea Ibarzabal Eneko Arrate Xabat Galletebeitia	Irati Erkizia Arkaitz Zipitria Pello Ormazabal

	LEA ARTIBAI	BILBOALDEA
18 urtera arte	173	163
19-24 urte	239	238
Danetara	412	401

Durangoko institutuan izan da finalaurrekoen azken saioa. Institutuko 200 ikasleren aurrean egindako ekitaldian ondokoak izan ziran bertsolariak eta puntuazinoak:

	IPAR URIBE	BUSTURIALDEA
18 urtera arte	Maialen Markaida Inazio Vidal Imanol Uria	Koldo Muñiz Koldo Gezuraga Asier Galarza
19-24 urtera	Peru Vidal Peio Arondo Arrate Illaro	Aitor Beitia Nagore Beitia Jone Larrinaga

	IPAR URIBE	BUSTURIALDEA
18 urte arte	169,5	134,5
19-24 urte	233,-	210,-
Danetara	402,5	344,5

Kontuak kontu, Lea Artibaik eta Ipar Uribek jokatuko dabe Bertsolari Gazteen BBK Sariketako finala gaur zortzi, hilaren 14an, Bilboko Kafe Antzokian, arratsaldeko 19:00retan.

Ikusi argazki guztiak handiago