Bilboaldeak irabazi dau Bertsolari Gazteen XIX. BBK Sariketako lehenengo saioa

Bizkaie! 2011-03-23 17:25 Bertsolaritzea

Gaur hasi da aurtengo sariketea Igorren, Arratiako eta Bilboaldeko taldeen arteko saioagaz eta irabazlea, Bilbaoaldeko taldea izan da.

Gaur hasi da aurtengo sariketea Igorren, Arratiako eta Bilboaldeko taldeen arteko saioagaz eta irabazlea, Bilbaoaldeko taldea izan da.

Gaurko saioko aurkezlea Maite Berriozabal izan da eta epaimahaia Juanjo Respaldiza, Arkaitz Estiballes eta Gorka Intxaurbe adituek osotu dabe.

Sariketa honetan, saioak sailkapen-izaerakoak dira. Beraz, galtzailea kanpoan geratzen dan bitartean, irabazlea finalaurrekoetara pasetan da.

Saioa Igorreko kultur aretoan jokatu da. Aretoa leporaino bete da bertara joan diran 350 bat ikusleakaz. Ondokoak izan dira kantau daben bertsolari gazteak:

	ARRATIA	BILBOALDEA
18 urte arte	Ander Gerrikaetxebarria Aitor Asua Malen Amenabar	Olatz Ipiña Iker Garitagoitia Pello Ormazabal
19-24 urte bitarte	Manex Sagarna Irati Astondoa Illart Gumuzio	Aitor Zelaieta Iker Uribarren Arkaitz Zipitria

eta honeek puntuazinoak:

	ARRATIA	BILBOALDEA
18 urte arte	163,5	179,--
19-24 urte	195,--	187,--
Danetara	358,5	366,--

Kontuak kontu, finalaurrekora pasau dan taldea Bilboaldea dogu eta apirilaren 5ean, igazko irabazlea dan Lea Artibaiko taldeagaz neurtu beharko ditu indarrak.

Datorren astean jokatuko dira beste sailkapeneko saioak eta hurrengoetan, finalaurrekoak eta finala.

Sailkapen-saioak

Eguna	Taldeak	Lekua	Ordua
2011/03/29	Ipar Uribe - Durangaldea	Derio: Txorierri institutua	11:30
2011/03/30	Enkarterri - Busturaildea	Zalla: Institutua	10:30

Finalaurrekoak

Eguna	Taldeak	Lekua	Ordua
2011/04/05	Lea Artibai – 23ko irabazlea	Markina: Lea-Artibai ikastetxea	11:30
2011/04/06	29ko eta 30eko irabazleak	Durango: Institutua	12:00