Bilboko Udal Musika Bandak kontzertuak eskainiko ditu bagileko bariku guztietan

| Ikusi handiago | Argazki originala

Bilboko Udal Musika Bandak gaur, hiilak 4, Udaberriko Kontzertu denporaldiagaz jarraitzen dau Zabalguneko Eraikinean eta oraingoan, Pablo Sorozabal Donostiar konposatzailearen obrak zein erromantizismoko autore esanguratsua dan Franz Schubert Vienar konposatzailearen obrak interpretauko ditu. Arratsaldeko 19:30ean hasiko dan kontzertua Rafael Sanz-Espert Zuzendari Titularrak zuzenduko dau. Sarrera librea da, 400 pertsonentzako edukiereagaz, horreetatik 300 jesarrita.

Gaurko kontzertuko programea Schuberten zazpigarren sinfoniagaz hasiko da, ‘Incompleta’ izenagaz be ezaguna eta obra honen bi mobimentu interpretauko ditu Bandak: ‘Allegro moderato’ eta ‘Andante con moto’. Ondoren, Carlos Surinach Bartzelonarrak XVIII. mendean Antonio Soler aitak sortutako fandangotik abiatuta konposatutako obrea interpretauko dau Bandak eta emonkizuna amaitzeko, Pablo Sorozabalen ‘La isla de las perlas’ zartzuelearen bigarren zatiaren sailkapen bat izango da entzungai.

Rafael Sanz-Espert (Llombai, Valencia, 1960) 2002tik Bilboko Musika Bandako Zuzendari Titularra da. Ikasketak Valentzian, Parisen eta Rotterdamen egin zituan eta bere karrerako ibilbidean zehar jaso dituan hainbat sarien artean Valentziako Sariak (1987, 1996 eta 1997 urteetan), Alcudiana Filarmonikoagaz irabazitako ‘Villa de Leganés’ (Madril, 1998) Banda Sariketako atal bereziko lehen saria eta 2001ean, Lira Carcaixentinagaz jasotako 'Ciudad de Valencia', musika-bandentzako nazinoarteko lehiaketako lehen saria eta ohorezko aitamena. Valentzia uriko urrezkoa eta Arte Eder Kolektiboen urrezko dominaren jaube da.

Bagileko agendea

Udal Bandak beste hiru kontzertu eskainiko ditu Zabalguneko Eraikinean bagilean zehar, hilaren 11, 18an eta 25ean, barikuetan. Gainera, zapatu honetan, bagilaren 5ean, Altamirako frontoi estalian eskainiko dau Iñaki Urkizu Zuzendariorde Titularrak zuzenduta beste kontzertu bat. Kontzertu hau, eguerdiko 12:30etan hasiko da.