Busturialdea aurrera Bertsolari Gazteen XVIII. BBK Sariketan

Bizkaie! 2010-03-03 16:28 Bertsolaritzea

Gaur hasi da aurtengo sariketea Igorreko kultur aretoan, 150 bat ikusleren aurrean eta giro ezin hobean, Arratiako eta Busturialdeko taldeen arteko saioagaz. Hamazortzi urtera artekoetan arratiarrak nagusitu arren, nagusietan alde polita atarata busturiarrak aurrera doaz. Sariketa honetan aurten, saioak sailkapen-izaerakoak dira. Beraz, galtzailea eliminauta geratzen dan bitartean, irabazlea finalaurrekoetara pasetan da.

Gaurko saioko aurkezlea Maite Berriozabal izan da eta epaimahaia Juanjo Respaldiza, Arkaitz Estiballes eta Gorka Intxaurbe adituek osotu dabe.

Ondokoak izan dira kantau daben bertsolari gazteak:

	ARRATIA	BUSTURIALDEA
18 urte arte	Malen Amenabar Beñat Mendia Irati Astondoa	Nagore Beitia Maria Gorriño Jone Larrinaga
19-24 urte bitartean	Irati Bernaola Joseba Bilbao Illart Gumuzio	Ander Elortegi Aitor Beitia Amaia Uribe

Hona hemen puntuazinoak:

	ARRATIA	BUSTURIALDEA
18 urte arte	161	155
19-24 urte	154	217
Danetara	315	372

Kontuak kontu, finalaurrekora pasau dan taldea Busturialdea da eta hilaren 16an, igazko irabazlea dan Ipar Uribeko taldeagaz neurtu beharko ditu indarrak.

Datorren astean jokatuko dira sailkapen faseko beste saioak eta hurrengoetan, finalaurrekoak eta finala.

Sailkapen-saioak:

- 2009/03/09: Durangaldea - Bilboaldea. Durangoko institutuan, 12:00etan.

- 2009/03/10: Lea Artibai - Enkarterri. Markinako Lea Artibai ikastetxean, 11:30etan.

Finalaurrekoak

- 2009/03/16: Ipar Uribe - Busturialdea. Derioko Txorierri BHI institutuan, 11:30etan.

- 2009/03/17: 9ko eta 10eko irabazleak. Zallako kultur etxean, 10:30etan.

Finala

Martiaren 26an, barikuan. Bilboko Kafe Antzokian, 19:00etan.

Ikusi argazki guztiak handiago