Zinemaldiaren webguneak jaialdiaren jazoeren barri emongo dau

| Ikusi handiago | Argazki originala

Donostiako Zinemaldiaren webguneak (www.sansebastianfestival.com) pelikulen ganeko eta 57. edizinoaren ganeko informazino guztia eskainiko dau, azken orduko barri eta argazkiakaz, antolatzaileek jakinarazo dabenez.

Webguneak etenik barik barriztetan egongo dan argazki-galeria bat eskainiko dau eta sansebastianfestivalTV-k Zinemaldiaren eguneroko ekintzak, galen emonaldiak, sari-emoteak, prentsaurrekoak eta erreportaje ugari, programa bereziak, alkarrizketak eta jazoera garrantzitsuenak jasoten dituan edukiakaz eginiko eguneroko laburpenen eskaintza zabala hurretik biziteko aukerea emongo dau.

SansebastianfestivalTV-n, bideo-sorta handi batek osotuko dau programazinoa: Zabaltegi Topaketen eta Horizontes Gosarien bideoak, Donostiara ailegetan diran konbidauenak, photocall-enak, eguneroko laburpenak, alkarrizketak... Ganera, Zinemaldiko film guztien ganeko informazioa eskainiko da: sinopsiak, fitxa teknikoak, argazkiak...

Aurtengo Donostia Saria jasoko dauenari buruzko informazinoa emongo da eta haren bisitearen jarraipena be egingo da. Epaimahai guztietako kideen inguruko informazinoa be emongo da, baita sari-banaketearen emonaldia be, kategoria guztietako irabazleen ganeko informazinoagaz.

Zinemaldiaren historiari, Donostia Sariei eta aurreko urteetako hainbat alderdiri buruzko datu eta argazki artxiboa be izango ditu webguneak, eta Zinemaldiaren egunkariaren edizino digitala kontsultetako eta pdf formatuan lortzeko aukerea izango da. Film emonaldi guztiak eta hareetara joateko sarreren salmentearen ganeko informazinoa be emongo da, eta txartelak dagozan ala ez be jakinaraziko dau webguneak.

Prentsak, bestalde, sarbidea izango dau prensaurrekoei buruzko informazino-koadroetara, filmetako prentsa arduradun zerrendara, akreditatuek dituen zerbitzu desbardinei buruzko informazinora eta deskargetako zenbait materialetara. Ganera, Kutxatilategi birtuala izango dau prentsak, eta filmak sustatzeko produktoreek eta banatzaileek emondako material guztia komunikabideen eskura egongo da.

Zinemaldiaren webguneko edukiak eskuko telefonoaren bidez be eskuragarri izango dira. Bertara, webgunetik edo www.sansebastianfestival.mobi webgunearen bitartez ailegau daiteke.