Bilboko Udal Musika Bandeak 4 kontzertu eskainiko ditu udako programazinoa zarratzeko

| Ikusi handiago | Argazki originala

Bilboko Udal Musika Bandeak lau kontzertu eskainiko ditu, eszenatoki eta errepertorio desbardinetakoak, udako programazinoari agur esateko. Arenaleko kioskoan egingo dituan azken bi emonaldiakaz batera, taldeak Solokoetxe eta Masustegi auzoetako jaietan parte hartuko dau hilebete honetan bertan.

Barikuetan, hilak 11 eta 18, 19:00etan, bilbotar guztiakazko hitzorduari zintzo-zintzo erantzunez, Bandeak kontzertua eskainiko dau Arenaleko kioskoan, Iñaki Urkizu Zuzendariorde Titularraren batutapean. Kontzertu horreetako ohitureari jarraituz, programak estilo desbardinak errepasauko ditu, pasodoble eta zarzueletatik hasi eta Broadwayko musikaletatik ataratako kantuetaraino.

Bestalde, Solokoetxen (domekan, hilak 13, 12:00etan) eta Masustegin (domekan, hilak 20, 12:30etan) folklore tradizionaleko jai giroko doinuak izango dira nagusi taldearen errepertorioan, José Franco-ren ‘Aires vascos’, Resurreccion Maria de Azkueren ‘Vizcaytik-Bizkaira’ edo Jesus Guridiren ‘Amaya’ ezpatadantza tarteko dirala.

Amaitzeko, Bandea neguko denporaldiko ohiko egoitzara bueltauko da, Euskalduna Jauregira, hain zuzen, Zuzendaritza-Ikastaroaren seigarren edizinoari amaierea emoteko. Kontzertu hau hilaren 27an, domekan egingo da eguerdiko 12:00etan, eta bertan, Rafael Sanz-Espert Zuzendari titularrak batutea itxiko deutse ikastaroko partaide izan diran aukeratutako zenbait talentu gazteri.

Udal Musika Bandeak Bilbaomusikaren babespean lan egiten dau gaur egun. Bilboko Udaleko Kultura eta Hezkuntza Sailaren menpeko erakunde autonomo honek Musika Eskolea eta Txistulari Bandea be kudeatzen ditu.