Euskal Herriko Gazte Orkesteak Eskozian joko dau lehenengo aldiz

| Ikusi handiago | Argazki originala

Euskal Herriko Gazte Orkesteak (EGO) aurtengo udako denporaldia aurkeztu dau Eusko Jaurlaritzako egoitzan. Sei kontzertu iragarri ditue Euskal Herrian eta beste bi Eskoziako Aberdeen (Abuztuak 4) eta Perth (Abuztuak 5) urietan. Aram Khachaturiam-en pianorako kontzertua eta N.R.Korsakoven 'Secheherezade' obrea 4 kontzertutan eskainiko ditu Euskadin (garagarrilaren 26an, Gasteizko Principal Antzokian; 27an, Bilboko Euskalduna Jauregian; 28an, Sopelanako Urko Polikiroldegian eta 30ean, azkenik, Donostiako Kursaalen). Bi obra horreez gan, hirugarren bat be preparau dabe, Malcom Arnoldek konsposatutako 'Four Scottish Dances'; hau Eskozian bakarrik interpretauko dabe.

Udako denporaldiak hiru zati izango ditu. Lehenengo astean, irakasleakaz batera lanean ibiliko dira orkestrea osotzen daben 81 musikariak. Bigarrenean, lau kontzertu emongo ditue Euskal Herrian garagarrilaren 26tik 29ra. Hirugarren eta azken astean, lehen aldiz Eskozian bi kontzertu emongo ditu EGOk.

Udako denporaldiko hamabigarren edizinoan, Euskal Herriko Gazte Orkesteak Eskoziako Aberdeeneko Nazinoarteko Jaialdian parte hartuko dau lehenengo aldiz. Aberdeen International Youth Festivalak artearen munduko baloreak gazteen artean zabaltzea eta nazinoarte mailako plataforma izatea ditu helburu.

Bien bitartean, Blanca Urgell, Kultura sailburuak eta Euskal Herriko Gazte Orkestearen Fundazinoko presidenteak, BBK, Kutxa eta Caja Vitalen arduradunakaz sinatu ditu 2009rako lankidetza hitzarmenak. Hitzarmenon bidez musikari gazteentzako kalidadezko prstakuntzea bultzatzea da asmoa. Urgell and.aren eretxiz, 'hitzarmenak sano garrantzitsuak dira musikari gazteen garapen personal eta artistikorako'.