Manu Chao eta Radio Bemba Euskal Herria Zuzenean Jaialdian aurten

| Ikusi handiago | Argazki originala

Heletan (Nafarroa Beherea) egingo da aurten Euskal Herria Zuzenean jaialdia, garagarrilaren 3tik 5a bitartean eta Manu Chao kantaria da aurtengo nobedaderik aitagarrienetako bat. Haren 'Tombolatour' mundu birearen barruan, Heletan egingo dau geldialdia garagarrilaren 3an. Gainera, Emir Kusturica zinegile eta musikariagaz kanturen bat abestea be leitekeana da, izan be, antolatzaileek zabaldu dabenez, Kusturicaren azken filman Manu Chaorena da soinu bandako musikea.

Horrezaz gan, Fermin Muguruza be aitatu bi musikari horrekaz taula gainera igon daitekeela be zabaldu da. Muguruzak 'Checkpoint rock. Canciones desde Palestina' filma euskerazko azpitituluakaz estreinauko dau (film horretako azken kanta Manu Chaok abesten dau). Aurretik Donostian aurkeztu eban film hori, baina orduan, espainolezko azpitituluakaz. Gainera, pelikula horretan agertzen dan Safaa Arapiyat rap kantari palestinarra Heletan izango dala baieztatu dabe honezkero.

Ganerako parte-hartzaileen harian, besteak beste, The Bellrays, Willis Drummond, We are standard eta Deskontrol taldeek be kontzertuak eskainiko ditue Heletan..