Bermeon, merkataritzearen hizkuntza-egoerea ezagutzeko kanpainea abiarazo dabe

| Ikusi handiago | Argazki originala

Bermeoko merkataritzearen hizkuntza-egoerea ezagutzeko helburuagaz, Udaleko Euskera Sailak 475 denda, taberna eta bestelako establezimentu bisitauko ditu. Jasotako datuak 2001ean egindako diagnostikoaren datuakaz alderatu eta Euskera Sailak eskaintzen dituan hizkuntza-zerbitzuak barriro ezagutzera emon eta zabalduko dira. Beste alde batetik, euskerea darabilen merkatariei eta ostalariei zein hizkuntza-konpromisoa hartzen dabenei publikoki autortuko jake euren ahalegina.

'Datu bat emotearren, establezimentuetako errotuluak euskeraz imintzeko diru-laguntzinoei jagokenez, 73 establezimenduk jaso dabe diru-laguntzinoa eta ia 32.000 € banatu dira horretarako', zehaztu dau Bermeoko Udaleko Euskera Sailak. 'Merkatarien artean sensibilizazinoa areagotu gura da euskerea erabilteari jagokenez, sektoreko eragileen parte-hartzea sustatu gura da, eskaintzen diran hizkuntza-zerbitzuak sektorearen beharretara egokitu eta zerbitzu sektorearen eta Udalaren komunikazino bideak sendotu'.

Azkenik, merkatariek hitzarmena sinatuko dabe Udalagaz, urtebeterako, bakotxak hartuko dituan hizkuntza-konpromisoak adierazota.

Hitzartutako konpromisoak beteteen dituen merkatariek Arrain Azokan izaten dan ekitaldian jasoko dabe egindako lanaren autormena.