Badator ACT, Eszena Sortzaile Barrien Nazinoarteko Jaialdiaren 4. edizinoa

| Ikusi handiago | Argazki originala

Bagilaren 6tik 9ra bitartean, aurten sortzaile gazteen eszena lan laburrak izango dira protagonista nagusi Bilbon eta Barakaldon. Eskolek atal pedagogikoan parte hartu ahal izango dabe eta urtero gonbidatuko dira eskola gitxi batzuk euren lana aurkeztu daien.

Hemengo eta kanpoko antzerki eskolek ikasturte amaierako lanak aurkeztuko ditue. Danetara, Korea, Islandia, Belgika, Alemania, Erresuma Batua, Sloveni, Errusia eta beste herrialde batzuetako sortzaile gazteen 20 antzezlan izango dira.

Horrezaz gan, parte-hartzaileek Europako zentru eszena munduko zentru garrantzitsuenetako profesionalen master class edo ikastaroak jasoko ditue eta aurten, barriro, International Young Makers Marathon ospetsua be izango da.

Joera eszeniko barriei zabalik dagoan ACTk, hezkuntza, Europagazko hartu-emonak eta sorkuntza barria programau eta suspertzen ditu. Esangura horretan, helburua eszena sortzaile barrien lana sustatu eta berau publiko, prentsa eta profesionalei zabaltzea da.

Jaialdiaren egitarauak 4 atal desbardin ditu:

- Sortzaile barrien lan laburren erakusketea eta lehiaketea.
Laugarren edizino honetan, aparteko garrantzia izango dau sortzaile barriek eginiko pieza laburren lehiaketeak. Honen ondorioz atal nagusia izango da.

- Europako Antzerki eta dantza eskolen lanen aurkezpena.
Pasa dan urteotan legez, aurten be, Europa mailako zenbait eskolek ikasketa amaierako lanak aurkeztuko ditue.

- Nazinoarteko Sortzaile Gazteen Maratoia. BAIk Europako beste lau jaialdigaz batera antzezlan labur bat aukeratzen dau eta biran batera erakusten dira jaialdi bakotxean.

- Egitarau pedagogikoa. Ikastaroak, hitzaldiak, master class-ak.

www.actfestival.com