Lord of war

| Ikusi handiago | Argazki originala

- Zuzendaria eta gidoia:Andrew Niccol.
- Herrialdea: AEB.
- Iraupena:122 minutu.
- Antzezleak:Nicolas Cage (Yuri Orlov), Ethan Hawke (Jack Valentine), Jared Leto (Vitaly Orlov), Bridget Moynahan (Ava Fontaine), Ian Holm (S¡meon Weisz), Eamonn Walker (Andre Baptiste), Sammi Rotibi (Andre Baptiste Jr.), Shake Toukhmanian (Irina Orlov), Jean-Pierre Nshanian (Anatoly Orlov), Jasper Lenz (Gregor).
- Musikea: Antonio Pinto.
- Argazkia:Amir Mokri.
- Muntaia:Zach Staenberg.
- Ekoizpenaren diseinua:Jean Vincent Puzos.
- Jantziak:Elisabetta Beraldo.


'Lord of war' filma abenturen eta ekintzen istorio bat da, armagintzearen nazinoarteko merkaduaren mundua arakatzen dauena. Pelikulan gerra hotzaren ondorio nahiko ezezagun baten gaia jorratzen da: lehengo estadu sobietarretan eskuragarri eta salgai iminitako armen kopuru ikaragarria. Armarik gehienak herrialde pobreei (batez be Afrikakoei) saldu jakezan eta arma trafikatzaileek itzelezko dirutzak eskuratu ebezan. Ukrainian, esate baterako, hogeita hamabi miloe dolar baino gehiago ostu ziran 1982tik 1992ra bitartean. Pelikula honetan Yuri Orlov arma trafikatzailearen abentura kantsauezinak azaltzen dira, munduko gerra eremurik arriskuenetariko batzuetatik zehar bidaiatuz.

Andrew Niccol zuzendariak nahiko erritmo egokia emon deutso film honeri, nahiz eta lehenengo personan egindako narrazinoaren teknika arriskutsua erabili. Ganera, maila teknikoari erreperatu ezkero, lan ona egin dabela esan beharra dago, eszena guztiek ederto erakusten deuskuelako protagonistea bizi dan mundu iluna.

Edozelan be, nire eretxiz, pelikula honek zinismo handiagoa behar eban, kritika zorrotzagoa eta armagintzearen negozioa salatzeko aldarri ozenagoa. Izan be, emoitzea apalegia, satirikoegia da, eta horrek ez deutse erantzuten filmaren hasikeran aurkeztutako asmoei. Horixe da istorio honen akatsik larriena, mezua eta salaketea buztartzeko eta kritikea heldu eragiteko apaltasuna.