Mikel Leighen 'Tender Loving Care' filmak irabazi dau 74. Donostia Zinemaldiko Urrezko Maskorra

Bizkaie! 2026-09-28 07:30   Zinemea

Zinemagile britaniarraren filmak Kate O 'Flynn aktoreari emondako Interpretazino nagusi onenaren Zidarrezko Maskorra be irabazi dau, Asta Kamma Augustegaz ex aequo irabazitako saria, Markens grøde / Growth of the Soil (Norvegia-Danimarka-Alemania) filman egindako papelagaitik. Era berean, Hans Petter Molandek zuzendutako lan honek Argazki onenaren Epaimaiharen Saria irabazi dau, Oskar Dahlsbakkenik emondakoa.

Epaimahaiaren Sari Berezia Ah Biaok zuzendutako Bian Jing / Border (Hong Kong-EEEU-Hego Korea) lanak irabazi dau.

Zuzendari onenaren Zidarrezko Maskorra Amanda Kernellek irabazi dau, Garrat du váimmu / Brace Your Heart (Suedia-Norvegia-Dinamarca-Islandia-Bulgaria) lanaren egileak.

Javier Camarak, barriz, Taldeko interpretazino onenaren Zidarrezko Maskorra jaso dau, 5 minutos más (Espainia) filman egindako lanagaitik. Aktore espainiarrak irabazi eban jada Zidarrezko Maskorra, Truman (2015) filman beragaz lan egin eban Ricardo Darín aktoreagaz ex aequo.

Ira Sachs zinemagilea izan da Genki Kawamura zuzendari eta gidoigileagaz, Catherine Paillé gidoigileagaz, Alice Braga aktore eta produktoreagaz, Patricia López Arnaiz antzezleagaz, Bill Skarsgimonrd aktoreagaz eta Mike Goodridge produktoreagaz batera palmaresa osotu dauen epaimahai ofizialaren burua.

Beste alde batetik,  Body of Glass (Alemania-Frantzia) Naëmi Adaren lehen filmak Kutxabank-New Directors Saria irabazi dau. Sari horren epaimahaiak aitamen berezia egin deutso Yoon Dan-biren The World Before (Hego Korea-Japonia-Frantzia) filmari.

Horizontes Make & Mark Saria eta Gazteriaren DAMA Saria La ilusión de un verano sin fin / The Illusion of an Everlasting Summer (Argentina-AEB) filmak irabazi dau, Alessandra Sanguinettiren estreinako lana, daborduko bere saileko (Cineasti del Presente) Urrezko Lehoinabarra eta opera prima onenaren sariak lortu zituana Locarnoko zinema-jaialdian. Aitamen berezia Moscas / Flies (Mexiko-Espainia) filmarentzat izan da. Fernando Eimbckek 2025ean WIP Latam Industria Saria irabazi eban Donostian proiektu honegaz eta aurten Berlinalen lehiatu da.

Zabaltegi-Tabakalera Saria Teenage Sex and Death at Camp Miasma filmarentzat izan da, Jane Schoenbrunek Cannesko Zinemaldiko Un Certain Regarden egindako filma eta Queer Palm Sariaren irabazlea. Aitamen berezia izan dau A veces me entra tristeza, otras veces rebelión / Sometimes Sadness, Sometimes Rebellion (Argentina-Espainia) film luzeak, María Apariciori Veneziako zinema-jaialdiko Giornate degli Autori sarietan Zuzendari onenaren saria emon eutsona.

Maarij Reka (Film & Television Institute Art Indonesia Yogyakarta, Indonesia) zuzendariaren Dihapus dari peta / Erased from the Map (Indonesia) film laburrak Tabakalera Zine eta Ikus-entzunezko Laborategia-Nest Saria irabazi dau, eta aitamen berezia emon deutso Júlia Coldwell Serra (ESCAC, Espainia) zuzendariaren Ningú borda / Nobody Barks (Nadie ladra) (Espainia) film labuirrari.

Jatorrizko Musika Onenaren SGAE Fundazinoa Sari barria, Sail Ofizialean lehiatzen diran filmetako bati zuzendua, Amine Bouhafak irabazi dau, Nicole Garciak zuzendutako 7h40 ce matin-là / Milo (Frantzia) partiturearen egileak.

Burgundy (AEB) Michael Dweck eta Gregory Kershawren film luzeak, Veneziako Zinemaldiko Venice Open sailean estreinautakoak Culinary Zinema Saria jaso dau eta Txakun txakür (Frantzia-Espainia) film luzeak, Elsa Oliarj-Inèsek zuzendua, Euskal Zinemaren Irizar Saria.

Perlak saileko ikusleek aukeratzen daben Donostia Hiria Publikoaren saria La bola negra (Espainia-Frantzia) filmarentzat izan da, Javier Calvo eta Javier Ambrossiren filmarentzat, Cannesen Zuzendari onenaren saria irabazi ebana, Pawel Pawlikowskigaz ex aequo (Vaterland/Fatherland). Gainera, Europako Film onenaren Publikoaren saria NAZArentzat izan da (Yuval Abraham eta Rachel Szor), Venezian Epaimahaiaren Sari Berezia irabazi ebana.

Azkenik, Eusko Label Saria Esperantza (Espainia) eta Eskuak / Hands (Espainia) film laburrek jaso dabe, Josu Ozaitak eta Mikel Urretabizkaiak, hurranez hurran, lehen eta bigarren sariak eskuratu baititue. Gainera, gizarte-gaiei buruzko film laburren lehiaketeari jagokenez, Javi Pradaren Prejuicios (Espainia) izan da Loteriak Saria jaso duaen lehen lana, eta Lucía Saavedraren Headscarf (Espainia) bigarrena.