Nerea Torrijosen erakusketeagaz zabalduko da 'Planoz Kanpo' atal barria

Bizkaie! 2026-05-05 11:54   Zinemea

Zinemako jantziak/Vistiendo películas Bilboko Fantasiazko Zinemaldiagaz batera egiten diran jardueren barruan sartzen da eta horreen artean literatur aurkezpenak, beste erakusketa batzuk eta jardunaldi profesionalak be badagoz.

Bilboko Udalak atondutako FANTen atzo hasi zan Planoz Kanpo atala, erdigunean egon barik industriak eusten deutson guztiari eskainitakoa, Bilboko Nerea Torrijos jantzi diseinatzaile sarituaren Zinemako jantziak/Vistiendo películas erakusketearen inaugurazinoagaz.

Torrijosek parte hartu dauen filmeetan erabilitako pieza original batzuekaz osotutako erakusketea Abandoko Udaltegian egongo da ikusgai maiatzaren 4tik 29ra, arrartsaldeko 16:30etik 20:30era egongo da zabalik, eta sartzea doban izango da plaza-kopurua bete arte.

Inaugurazinoan, Iñaki Lopez de Aguiletak, Bilboko Udaleko Kultura zuzendariak; Amaia Domingok, FANTeko zuzendariak; Nerea Torrijosek berak eta Bilboko kultura eta zinema-arloko personek hartu eben parte. Ekitaldian, diseinatzaileak bisita gidatua eskaini eutsen bertaratutakoei.

Erakusketa ikusten joaten diran personek, jatorrizko pieza-sorta baten bidez, jakin ahal izango dabe egileak zineman munduak eregiteko, ehunak, ehundurak eta kolorea zelan erabilten dituan, beti bere kontuan hartuta personaia bakotxaren ezaugarriak eta nortasuna, haren jantziak aukeratzerakoan.

Nerea Torrijos lanak hainbat sari jaso ditu, besteak beste, Goya saria Akelarre (2020, Pablo Agüero) filmeko jantzien diseinuagaitik, FilmQuest saria Errementari (2017, Paul Urkijok filmautakoa) filmeko jantzien diseinuagaitik. Gainera, 2023ko Goya sarirako izentau eben Irati (Paul Urkijok zuzendua) pelikuleagaitik eta 2024ko Goya sarirako 20.000 especies de abejas (Estibaliz Urresola Solagurenena) filman egindako lanagaitik. Era berean, haren diseinuak Gaua pelikulan agertzen dira, eta hori zemendian PreFANT zikloan ikusteko aukerea egon zan.

Zinemako jantziak/Vistiendo películas

Zineman, begiratu batean ikusten ez danak ilusino guztiari eusten deutso askotan. Bada hizkuntza isil bat, personaia bat nor dan, zein garaitakoa dan edo zein jainkoren bildur dan azaltzeko gidoirik behar ez dauena. Hizkuntza hori jantziak dira. Jantzien diseinua lan ikusezin horren parte izan da historian, artisautza tekniko eta artistiko zehatza, narratiba bisualaren ehuna bera izan arren, iruditeria kolektiboan bigarren mailan ixten dana.

Erakusketa honen asmoa da ikusezintasun-belo hori urratzea, personaiei arimea emoten deutsen lanbidearena ez eze, zinemako emakume profesionalena be. Eta Nerea Torrijos horretako emakume bat da, lantaldeak zuzendu, garaiak ikertu eta fokuen itzaletik mundu osoak sortzen dituenak.

Planoz Kanpo

Nerea Torrijosen erakusketeagaz batera, Batman, gaueko zaindaria erakusketea be ikusgai dago Begoñako Udaltegian, maiatzaren 8tik 30era bitartean.

Era berean, Abandoko Udaltegian, Jaime Novoren Rowan March: El Consenso liburuaren aurkezpena egingo da maiatzaren 7an, 19:00etan. Hilaren 9an, barriz, Azkuna Zentroko Bastida aretoan Jack Taylor aktorearen Mis 100 años de cine. Memorias liburua aurkeztuko da 12:30ean, eta bertan izango dira Jack Taylor bera, Bego del Teso eta Victor Matellano. Maiatzaren 10ean, 12:30ean, Azkuna Zentroko espazio berean, Edith del Campo, Kate Lynnon eta Madame Eloise egileen Revelaciones liburuaren aurkezpena egingo da.

Zinemaldian zehar, Fanteskola zikloan, Maya, emaidazu titulu bat, Oink Oink eta Kaixo Frida pelikulak proiektauko dira, 5 eta 12 urte arteko umeentzat. BBK aretoan izango dira ikusgai maiatzaren 11tik 14ra bitartean, 11:00etan.

Emakume-sortzaileei babesa

Bilboko Fantasiako Zinemaldiak ere emakume-sortzaileek egindako lan zinematografikoak babesten ditu. Horren erakusgarri da GIDOI-Euskadiko Gidoigileen Alkarteagaz izandako lankidetzea, Emakume Egileentzako Film Laburren Gidoi Lehiaketearen III. edizinoa aurkeztu baitau, fantasia eta bildurrezko generoko gidoietan oinarritua, FANTegaz bat etorriz.

Udal Zinelmaldiak ikus-entzunezkoetan emakumezkoen talentuari ahotsa emon nahi deutson eta (H)emen ekimenaren laguntzea dauen urteroko ekimen honegaz dauen lankidetzea, Industry Jardunaldi bat gehituz gauzatzen da. Emakume gidoilariak, aurrea doan zinema izenburupean, saioak Tamara García Iglesias zinemagilearen, Amancay Gaztañaga musika-artistearen eta Aránzazu Callejaren (Ohorezko FANT Saria)