Eusko Jaurlaritzeak goi-mailako kirolarean aurreko konpromisoa berretsi dau

Ibone Bengoetxea eta Gorka Iturriaga. | Ikusi handiago | Argazki originala

Kirola Euskadiren nazinoarteko proiekzino, kohesino eta ondoizate sozialaren motorra da, balio estrategikoaren erakusle. Lehen lehendakariorde eta Kultura eta Hizkuntza Politikako sailburu Ibone Bengoetxea Legebiltzarreko Kultura, Euskera eta Kirol Batzordean izan da, Eusko Jaurlaritzeak goi-mailako kirolaren arloan dauen politikearen barri emoteko, bideratutako ekintzak eta baliabideak, azken urteotan lortutako emoitzak eta etorkizuneko erronka nagusiak zehazteko. Bengoetxeak Eusko Jaurlaritzeak goi-mailako kirola babestu, atondu eta sustatzeko dauen konpromisoa berretsi dau.

Era berean, lehendakariordeak zehaztu dauenez, goi-mailako kirolaren euskal eredua zazpi zutabe handitan oinarritzen da: erakundeen arteko lankidetzea, erronkearen eta gainditzearen kulturea, kluben eta federazinoen bidezko atontze kolektiboa, ondoizate eta gaitasun ekonomiko handia, barrikuntzearen aldeko jarrerea, instalazinoen sare modernoa eta laguntza publikoen sistema eraginkorra. Egitura horrek kirol-jarduera handia dakar eta Euskadiren presentzia nabarmena nazinoarteko lehiaketetan. Adibidez, 46 euskal kirolarik parte hartu dabe azken ziklo olinpiko eta paralinpikoan. Nabarmentzekoa da datu hau: 2024ko Parisko Joko Paralinpikoetarako eta Olimpikoetarako Estaduan sailkatutako 150 eta 382 kirolarietatik, hurranez hurran, euskaldunak % 8,66 dira, eta kasu bietan populazino-ratioa gainditzen dabe, % 4,6koa, Euskal Autonomia Erkidegoko biztanleak Estadukoakaz alderatuta, azpimarratu dau Bengoetxeak.

Araudiari jagokonez, lehendakariordeak aurreratu dauenez, Eusko Jaurlaritzea Goi Mailako Kirolaren Dekretu barri bat izapidetzen dabil, Kirolari buruzko 2/2023 Legera egokituta. Horri esker, Goi Mailako Kirolari (DAN) izentautako kirolariek, besteak beste, honako honeek jasoten jarraituko dabe: laguntza-programak, dirulaguntzak, konziliazino akademikoa, kirol-konziliazinoa eta kirolagaz lotutako ikasketak eta enplegu publikoa lehentasunez eskuratzeko aukerea.

Basque Team Fundazinoa eta azpiegituren modernizazinoa

Bestetik, lehen lehendakariordeak Basque Team Fundazinoaren oinarrizko zeregina azpimarratu dau, goi-mailako euskal kirolarien laguntza ekonomiko, tekniko eta sozialerako oinarrizko tresna izaten jarraitzen baitau, batez be, ziklo olinpiko eta paralinpikoan.

Horrezaz gan, Basque Team Zentroak, Euskadiko goi-mailako erreferentziazko zentroak, 5,25 miloe euro inguruko inbersinoa jaso dau azken urteotan, sarbideak hobetzeko, gune espezializatuak sortzeko, biomedikuntza-arloa modernizetako, fisioterapia eta berregokitze-zerbitzuak indartzeko eta alojamendua guztiz barritzeko.

Etorkizuneko erronkei jagokenez, lehendakariordeak aurreratu dau Eusko Jaurlaritzeak lanean segiduko dauela barrikuntzara eta goi-mailako kirol-diziplina barrietara egokitzeko, kirolari bakotxaren beharrei arreta personalizatua emoteko, teknifikazino-sarea indartzeko, prozesuak digitalizetako eta nazioko eta nazioarteko erakundeekin aliantzak bultzatzeko.